[سهاج]

بسم الله الرحمن الرحيم

السلام عليكم ..

هذه القصيدة للشاعر/ راجح بن نجا بن سالم المكيحيلي السبيعي موجهها لأخيه (( عـويـــد ))

يقول أبن نـجـــــا ..

البارحه صبري على واهج النار=ونفسي عجزت ارضي بوادر زعلها
كنه يعرض ثومت القلب منشار=وحده معاليق الضماير نشلها
كسر و جبر فروابع ولا حتار=وكثر رواميعه اصعيبٍ حللها
اما صمل صملت جزومٍ و صبّار=ولا عن الطرقه ذلوله عقلها
دنيا تساير مر و تخالف أمرار=ولو هي وفت معنا كثير زللها
نركض وراها ياعويد نبا الكار=وكم واحدٍ يبطي وهو في وحلها
وكم واحدٍ جت له حلوبٍ و مدرار=وكم واحدٍ له غايتن ما وصلها
فوقتٍ مضى توفي وفيين الاشبار=تشبع ذيابتها و يرجع ثعلها
واليوم كلن عنده علوم و اخبار=وفيها استواء صاح القلوب وخبلها
فمن لا قنعه رايه غدا بين الاشوار=ويمكن يحل احبالها لو فتلها
فسقها قدم تلقى وسيعين الانظار=وهوز الثقال اللي ركودٍ جملها
وان بركًت فيها على كور الازوار=فالرابح اللي قسمة الله قبلها