[مبارك مقين]

الو يا عشيري ودع السر الأسلاكي= بعلمك عن حالي قبل تقفل السكه
تراني بخير ولا بدى شر لولاكي= وعندك خبر مافيه ريب ولا شكه
سرى في ضميري عقب فرقا ك دكداكي= يهز الضلوع اللي على القلب منصكه
اسأل المشاعر وش بلا جفني الباكي= تخطفه بعض الاحيان عبرات وتفكه
اطالع نجوم الليل واعض مسواكي= هواجيس قلبي فشراين محتكه
علامك تحاول تقل ناوي على هلاكي= مثل لاعب البلوت يسكت عن الاكه
ترفع شيلتك وانا عيوني تحلاكي= وانا ضايقن صدري والاوضاع منضكه
ترى ماحدن ظني يسوي سواياكي = تذبح صاحبك وانا احسبنك بتفتكه
عسى ينتصفلي منكم مدير الافلاكي= بجاه الكريم منزل الوحي في مكه