لا جيت ابد له هب في ضامري هوى =تنام الملا وانا بقى ليلي سروي
هواجيس بالي حضرت كلها سوى=لها في الضلوع العوج يوم ارجفت دوي
عوى القلب مثل الذيب لاواق ثم عوى=ليا قام يبدي في المراقيب ويعوي
وهو في علاوي هضبتن لونها حوى =يكود يتهياله على سريته خوي
خفوقي يبا الفكة يحاول ولاقوى=سوات الضعيف الي تحت مقدرة قوي
طواه العنا والشوق من عرض ماطوى=كفخ في عراو الجوف لين انطوى طوي
تضوي ضيقته مع اسودالليل لاضوى=من الهم والهاجوس قد شبع ثم روي
انا وش اسوي فيك ياالحظ لالوى=احده على رؤوس الطويلات ويهوي