[ناصرهاجدالسبيعي]

بسم الله الرحمن الرحيم

أخواني الأعضاء والزوار شوا الحظ النحس هذا انا مكتوب عليه الهروب والسجن انقل كفالة ايس مان على ابو عمر عشان ارتاح وفك نفسي من المشاكل أخواني الأعضاء انا إنسان مسالم بس المشكله خربان

القصه كامله ؟

قام الشيخ س ب ع بالاتصال عليه وتعرفون انا جبان أخاف يوم شفت رقمه رديت قال وينك ناصر
قلت انا في الاحساء أقوم بزيارة بعض الأقارب والأصدقاء بعد رجوعي لهم بالسلامة وحلول بعض مشاكلي التي تعرضت لها من خلال قصص ايس مان وكوارثه . قال الشيخ تمام تمام تمام سراحه اناء محتاج خدمه منك يبو هاجد تعرفون شيخ وأقشر قلت حاضر قال انا ألان في الخبر ومعي زوجتي المغربيه وبروح لرياض عن طريق الاحساء وبمرك وتخاويني أبيك ضروري لوالله السالفه امــر معاد هي خدمه قلت ابشر طال عمرك
الشيخ مرني على سيارة فاخره وبرفقته زوحته ونزل الرجال وسلم عليه تعرفون انا ودي اسوي علاقه مع الشخصيات قمت اتميلح عنده قال اركب سق فينا وبتروح معنا لرياض الرجال ركب بالمقعد الخلفي بجوار زوجته المغربيه وقال حرك وعلى الرياض قلت ابشر انا تعرفون نبيه لاحظت معه شنطه يحملها مقدرت اتجرى واسأله
المهم مالكم بطولت الحكي لزوم ايه بتبطون نرجع للموضوع
مشينا على الطريق والشيخ س ب ع يداعب زوجته ويهمس لها بالغرام والحب والسعاده وانا مسوي مسمع
وصلنا منطقة خريص لدنيا قايمه قاعده في نقطة التفتيش قمت بالوقف عند النقطه متمثلن لنظام يخوي ابي اعيش يكفي مشاكل قال العسكري ابرز هوياتكم المدنيه اعطيناه الاثباتات وبعد التدقيق قال ممكن نفتش قلت تفضل اثناء التفتيش لاحظت الارتباك على وجه الشيخ س ب ع وزجته تعرفون نبيه المهم العسكري وصل لشنطه التي كان يحملها الشيخ س ب ع وعند تفتيشها وجد بها (؟؟؟؟؟؟؟؟؟؟؟؟) ماني بقايل خلو الشيخ س ب ع يعلمكم والله مستحي لاقول ماصدق انصدمت ونزلت من السياره واثناء ازدحام الناس وتصوير الصحفين لشيخ س ب ع بجوار شنطته انسحبت خفيه عن الجميع وقمت بالهروب والركوب مع أحد الماره والاتجاه لرياض كما لايفوتني ان اقوم
بالتنبيه بان العضو ماجد كان على اتصال مع الشيخ بالجوال اثناء الطريق وله ضلوع في ذلك وهالحين اناء متحفي مالي دخل مشكلته ويحلها لذا وجب التنبيه مع الشكر للجميع على الطرايف والسوالف الحلوه

المنحوس ناصر