[نجم سبيع الغلبا]

من المتعارف عليه ان الشيخ حثلان بن ناصر العزه السبيعي

دائماً يقف في المواقف التي تشرف القبيله,

وهذه القصيده للشاعر راكان بن بدن للشيخ حثلان بن ناصر

بعد دعمه له في برنامج شاعر العرب

يستاهل ابو ناصر وايضاً يستاهل شاعر العرب راكان بن بدن


هذا رابط القصيدة بصوت شاعرها :

http://www.zshare.net/audio/501859856324feeb/




وإليكم القصيدة :

الشعر مجموعة احاسيس وشعور=والشاعر يترجم شعوره لسانه
ما الله قبل يافهيــــد شهـادة الـزور=والشاعر الصادق يصون الأمانه
كم شاعرٍ وسط اللحايد و مقبور=عاش بزمانه وانتهى في زمانه
وكم شاعرٍ ذكره مخلّد ومعمور=كن بينه وبين التناسي حصانه
ماني على قلب الحقايق بمجبور=قد قالوا ابن ادم لسانه حصانه
عذب القصيد يمرّ فالبال طابور=واختار من جزله وانقـّي سمانه
فرايدٍ يطرب لها كــل منعــور=ويشـّر عليها المتلقي بنانه
ما للفخر داعي ولا للثناء دور=لا صار ماله مع هل الطيب خانه
واليا ذكرت الطيب حثلان مذكور=اللي على الطالات يكرب بطانه
حثلان ابن ناصر ليا تيـّه الشور=يملى مكانه لاوقف في مكانه
راسه يفوح من الصعاطير ويفور=واسم القبيله مثله يعزّ شانه
لاصار فالامداح منهي ومامور=مدحك يا ابو ناصر على اسمك ضمانه
من روس قومٍ تتعب الهجن والكور=قريحتي في مدح شخصك مدانه
لو للكرم دوله وأماره ودستور=صدر قراره من جهة برلمانه :
انْك الزعيم ولا على الطيّب اقصور=متزعّمٍ بالطيب قدر ومكانه
ولولا القمر والشمس ما شعشع النور=لو كثــّر التهريج عنتر زمانه
عبّرت مايملي ضميري على الفور=ومدحٍ بليا فعل واضح خيانه
مجمّل يا ابو ناصر ووافي ومشكور=الشعر ماله دون شرواك خانه
والعذر منك كان جاء مني قصور=مثلك علي واجب زيارة مكانه

صح لسان شاعرنا وبيّض الله وجه ابو ناصر