|
رد : برق ورعد للشاعر القدير / سعيد عيد الرشيدي
كُتب : [ 26 - 10 - 2008 ]
تكفى توقف عن التعذيب يكفيني=ترا عذابك بدا يقضي على حالي
أحيان تضحك معي واحيان تجفيني=عجزت لا فهم وش المطلوب يالغالي
مدري غلاً منك ولا منت باغيني=اشوف قلبك تغير يالغضي تالي
أول تسولف وتضحك لي وتعطيني=جميع مطلب لو انه يالغضي غالي
واليوم اشوفك تصد وما تحاكيني=يا خوفي انك سمعت لهرج عذالي
نسيت عهدٍ مضى من بينك وبيني=وشلون تنسى العهد ياسمح الاقبالي
لو كان ينفعك يوم انك تعنيني=والله ما عاتبك لاأول ولا تالي
|