[خيَّال الغلباء]

قصيدة مهملة الحروف لابن لعبون :

أحمد المحمود ما دمع وهــــمـل =أو عــدد مـــا حـال واـدٍ وســال
أو عدد ما ورد وراد الــــدحـل =أو رمى دلوه ومـــا صدر ومــال
أو حدا حادٍ لسلمى أو رحـــــل =سار هاك الــدار أو داس المحال
أحمده دوم على حلو العـمـــــل =ســامــع الـدعــوى ومعطٍ للسؤال
ما على راك لعا وأعلي ومـــل=وحاول الطاعه على ما صار حال
ما حلا لولا صدورٍ له وهــــل =لو ورد ما عدهــا الـمـالــه وأطال
مارد حاله على حال الـــوحـل =طالـمـا حـس لــروحــه لا مـحــال
راد رودٍ للــمها سـمـه سـحــل =عــاد صــل لـــســعــه ســل وآل
ما دعـــى داعِ الهوى إلا وسل =روح مــطـرد الــهـوى ماله وسال
ما على مـارود دمعه لــو هطـل = لا ولا مـسـراه عــــاد للـــهـمـال
ما ورا ما هو عصى وال المهل = مالـك الــعـالـم وعــلام الـحــوال
ماسك صارم هلا كه والكـسـل =مـاســك لـعـراه مـعـدوم الـعــدال
عـــادم علم الهدى ماله وهـــل =هـالـدهر دوم عـلـى طــول الامـال
ما وراهم كـــود هــدام الأمــل =للــمــلا حــراس لــلارواح ســال
لو عطاه أو مهله ماله مـــهـــل =هًل على طول الدهر عمــرٍ أطــال
مـــا سـعـاهـا سالكٍ إلا رحــل = لا ولا له كـود لـحـده والــهــوال
لـــو رأى حاله ومــالــه للمـلل = لام لــوامــه عـلـى دار الــمـــلال
دار لــهــو مــا لــها طـرً عدل =مــا عــداهــا لــهـوهـا دومٍ وعـال
حارس سلال روحه ما ســـأل =مــا عـلـى مـا راده الـمـولـى سؤال
حاكمٍ عادل ومــا راده حـصـل =آمـــرٍ مـــا راد له راعـــه وهــال
ما عدا كاس المراره ما الحوال =للــورود ومــا لوردٍ لـــه عــطــال
واردٍ كاسه مــع اهــل الطـلـل = مـــالــوا هـــم لــــه دوم و حــال
حال حاله لو روا له ما وصـل =عــــاده أمــلاك كـــرامٍ للــســؤال
وسط لحد مامعه كــود الــعـمل =أو ســواد الــدود مــع ســو الــمآل
واعلى حل عــرا ماله ســهــل =عـطـلـه لـهـو الـهـوى دوم ومـــال
سـامــر أهــوال الهـوى وحـل= مــا طـوا ســده وعــاده للــهــوال
حـاول السلـوى وساوى للاسل =والــهــوى لــه ساحرٍ سله وسلال
راحمــه وال الـمـلا وال عـدل =صــور الـعـالـم عـلي حـلـو الكمال
دوم صـلـوا عـدمـا هـدهد وهل = أو عــدد مــا حــام أو هـل الـهـلال
مـحـمـد عـلا علــى كـل الملـل=واله مــا هــل مــامـــــورٍ وســال