[خيَّال الغلباء]

يقول ابن هباش إن بيشه دهجها السيل =وعسى الله يبارك في سحاب سقا بيشه
ديـار ربـت مـن يفعلـون الشحـم الهـيـل=غـنـاة الفقـيـر إلـيـا تـدانـت محاويـشـه
ولعلـه علـى رنيـه وذيـك الـديـار يمـيـل=ديـار النشامـى جعـل يسـقـي معاطيـشـه
بلاد عربهـا فـي القسـا يذبحـون الحيـل=يـذكـر كرمـهـم قـبـل لا تكـثـر العـيـشـه
ولعله على الخرمة ووادي الغريف يعيل=من الماء تشوفه غاطس في الغثا حيشه
مداهيـل ربـع فاللقـاء يقحمـون الخيـل=وريـف البعيـد الـلـي طــوال مطاريـشـه
ومنها على وادي تربه لين يـدرج غيـل=يـجـي دور حـولـه ما تـوقـف نشانيـشـه
ديارالزحول اللي لصعب الحمـول تشيـل=ثقال الحمول أهون عليهـم مـن الريشـه
ولعلـه يـعـم المملـكـه بـيـن يــوم ولـيـل=نـهــاره ولـيـلـه مـا تـونـي رشـاريـشــه
معاقـل هـل التوحيـد والـذكـر والتهلـيـل=بــلاد لـهـا فــي قـمـة المـجـد تعـريـشـه