[خيَّال الغلباء]

المشاركة الأصلية كتبت بواسطة خيَّال الغلباء

بسم الله الرحمن الرحيم

يا جاهـل ٍمـر الزمـان وحلاتـه
= خذ هاك عقلي ما نفعنـي ولا بيـه

في هالزمان الطيب أعلـن وفاتـه
= الطِيب مـات وكـل طيّـب يعزيـه

يرحمك يا عود ٍحفظ لـك وصاتـه
= يبيـك تتبـع ساقتـه مـا تخليـه

علمك سيئـات الزمـن وإحسناتـه
= يامرك بالمعـروف ليتـك تماشيـه

الله وهبنا ديـن وأحسـن صفاتـه
= وأنزل لنا التشريع واجزل معانيـه

الحـق والباطـل عرفنـا جهاتـه
= وما يزرع المخلوق له يوم يجنيـه

أحد ٍله الدنيا على الكيـف جاتـه
= الله عطـاه وكـل شـيٍ بأيـاديـه

ما ذاق لوعـات الزمـان وشقاتـه
= الفقر والتجويـع يسمـع بطاريـه

وأحد ٍيـدور فـي زمانـه نجاتـه
= يبي الستر والعافيـه بيـن أهاليـه

عزيـز نفـس ولا يبـدّل عبـاتـه
= راضي ويدري عيشته مـا تكفّيـه

وأحد ٍأبـد ماخـذ طبايـع خواتـه
= ضعيف رآي وكلمتـه مـا تقديـه

وأحد ٍلبس ثوب المراجـل بذاتـه
= وا سِعد عين اللي من الضيق ناصيه

وأحد ٍصميـدع يرهبـك بإلتفاتـه
= حرٍ مطالعيه عـن النـاس تغنيـه

وأحد ٍيضيع صيدته مـن عماتـه
= لا واخساره مـن ترجّـى يعشيـه

وأحد ٍزرع ما نال غيـر الحتاتـه
= الحظ كنـه واقـف ٍلـه معاديـه

وأحد ٍقطف ورد الزمـن وإثمراتـه
= باب البخت مفتـوح دايـم يناديـه

وأحد ٍتساوى في حياته مماتـه
= وأحد ٍيموت وطيّب الذكر يحييه

الوقت لو يومـي عليـك بعصاتـه
= ما هي غريبه منـه هـذي مماشيـه

يا بوي هات اللي يجي منـك هاتـه
= راضيـن باللـي ما تكنـه وتخفيـه

منقول وأنتم سالمون وغانمون والسلام .

أخي الكريم / اّل سعيد العريني السلام عليكم ورحمة الله وبركاته وبعد : شكرا جزيلا لك على مرورك الكريم بهذه القصيدة الجميلة مجهولة القائل بالنسبة لي على الأقل والتي رويت لنا أنها للشاعر / علي المساعد ونحتاج أن نتعرف أكثر على هذا الشاعر وفقه الله إن أمكن والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .