[آل سعيد العريني]

إخواني هذا البعض من ألي قدرت اجمعه عن الشاعر علي المساعد
وعجزت أعرف هوية الشاعر أو إيجاد صور له .... وألي عرفته عنه أنه شاعر غزلي بحث
وقد كتبت عنه مجله أسمها وضوح :
( الشاعر علي المساعد يعترف أنه سيد النساء )
وأكثر قصائد هذا الشاعر ... مغناه ... وله كثير من التعاملات مع الفنان الكويتي عبدالله الرويشد
وهذا البعض من قصائده أترككم معها ....

الحال في غيبتك تصعب على الكافر .... لو قلت لي وشلون ؟! أقول الله من الضيقه
القلب مسكين عقبك يكسر الخاطــر .... يا رب وشــلـون شـالـنّـه مـعــالـيـقـه
سافرت عنّـي وعقلـي ودّع وسـافـر .... لو شفت غصن الحشا عقبك نشف ريقه
يا كثر من قال لي إصـبر يجـي بـاكـر .... يـا عـلّهـم للعـمـا فـرقـاك ماطـيقـه
أروح فـدوة لخـاطـر شـعـرك الـثـايـر .... اللـي سـواده مثل حـظي وتـوفـيـقـه
لا يا حبيبي صعبة طيحـة الـشـاطـر .... لا ضــاع دربـه ولا حـصّـل طـواريـقـه
هي ضيقة الصدر وإلا ضيقة الخاطر .... والـلـه مـدري ولـكـن ضـيقـه بـضـيقـه

أترككم مع القصيده الثانيه ... ( رســــالـــــــه )

بعد عشرة عمر راحت .. وليالي طوال من فرقـاك
سـالت وجيـت تشكيـني وتطويـني مـع همـــــــــــك

هـداك الحـظ والا الشـوق والا خانتـك دنيــــــــــاك
غـريبـه انـت هـذا انـت او واحـد مثـل رسمــــــــك

رغـم هـمي وحـرماني وانا عايـش عـلى ذكـــراك
رغـم كـل الجـروح اللي تعبتـني راضـي بحكمــــك

حبيـبي جيـت في وقتـك قضـى عمري وانا اتمنـاك
تعـال ان ما سعـاك الكـون فعيـوني انا اضمــــــك

احـبــك كل اخبــاري عسى عمـري يروح فـــــداك
عـسى بعـض الشعـور اللي جـرابي يجـري بدمـك

احــبك كثـر ماتطـري عـلى بالي ولا القــــــــــــاك
كثر خوفي عليك ومنك .. وكثر ما اشهق باسمك
غناء عبدالله الرويشد

القصيده الثالثه .. بعنوان ... ( كــويــتــيـــــه )

حرقتي اعصاب اعصابي دخيل الله
جنون .. غيره .. على هالحال يوميه ..
لا من زعلتي قلبتي عالمي كله
وعيوب خلق الله تحطينها فيه ..
ولا من رضيتي تناديني : هلا والله
دنيا عقبك ( علي مساعد ) رماديه ..
اكيد بك شئ او تشكين من عله
لا مستحيل انتي انسانه طبيعيه ..
ياليلي الليل .. لا شفتي علي زله
ساعتها اكره حياة الناس موليه ..
طلعتي الشيب في راسي قبل حله
انا اصبغ الشيب وانتي توك بنيه ..
قلبك واعرفه ضعيف يخاف من ظله
لكن معي تركبك مليون .. جنيه ..
يا ناس .. دربي عجزت القاه وادله
هالبنت .. ماهي طبيعيه .. خياليه ..
لا قلت وشفيه ؟! عقلك صابته خله
قالت وهي تلتفت كيفي كويتيه ..

القصيده الرابعه ... ( عــيــن جــرحـــي )
غصب على عين جرحي اقبل اعـــــــذارك
واسامحـــــــك لونهتني عزتي دونــــــــــك

كثـــــــــر الخطايا بحقي زاد مقــــــــدارك
مع كل هذا واخـــــاف اتخونك ظنونـــــك

لا ترتبـــــــــك لا تحاول تفضح اسرارك
اقراك كـــــلك على بعضك من عيونــــك

يا حلو طيشك مع اعنادك مع اصرارك
ويا قــــوّ باسك ونفس الوقت يا هونــك

مع كل طــــــاري تجيني آخر اخبـــــــارك
واذا نسيتــــــــك تذكرني بك اطعونــــــــك

لا جيـــــــــت ابختار غيرك ارجع اختارك
ولا جيــــت اخونك ازيدك عشق واصونك

عندي خبــــــر جنتي هي بالهـــــوى نارك
بالضبط فيني جنــــــــــــون ٍ يشبه اجنونك

اتــــرك خطاياك واترك عنـــــــك اعذارك
انسى عـــــــذابي وقلي انت وشلونـــــــك


لا يسعني أن أنقل جميع قصائده هنا .. ولكن سأذكر لكم بعض أسماء القصائد المغناة
يخون الود : عبدالله الرويشد
أكيد بأزعل : ذكرى
تنهيها : فيصل الراشد
دنيا الوله : عبدالله الرويشد
ضاع الهوى : محمد المسباح
تبعدنا الدروب : سعود بن سلطان
رساله من إمراه: عبدالكريم عبدالقادر
سواد الكحل : إبراهيم عبدالله
إعتذرلي : عبدالله الرويشد
عين جرحي : عبدالله الرويشد
جاذبيه : علي عبدالله
لا توهميني بالوفا : محمد المسباح
يامن يقول وشفيك وأقول مجروح : ريم
على عيني وعلى راسي : عبدالله الرويشد
الناس : عبدالعزيز الضويحي
لحظات الوداع : أحمد الحريبي
قلت لك يا قلب لا تأمن غريب : عبدالله الرويشد
العيون : عبدالله الرويشد

كما طرحت له أكثر من قصيده على إحدى البرامج على الإذاعه ... بصوت الشاعر فهد الهويدي
إليكم الرابط ... http://www.geocities.com/norh_ws/ra3it.alkeef.mp3

أتمنى أكون قدمتلكم ما تحبون وترضون