[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة الرائعة للشاعر الكريم / مبارك بن عبيكه بن رمال الشمري راع جبة والتي بلغ أحد أبياتها الاّفاق ألا وهو :

طول الجدار وقصرت الرجل نوماس
= لا صار ما للرجل داع (ن) دعاها

ويقول ابن رمال في قصيدته :

قم يالمقهوي دن نجر ومحماس
= واحمس لنا من حب صنعا نماها

احمس وزين حمسة البن بقياس
= دقــه ولقمهـا وعـجل سواهـا

وصبه لممرور على الخيل مدباس
= تقفي عنه صم الرمك لا نصاها

من فوق ما تاخذ على الخيل مرواس
= لا جدعت خبثات الأنفس حذاها

واثنه لمن حوله على الزبر جلاس
= أهل السموت اللي بعيد مداها

ابن عبيكه هرجته ما بها باس
= تطرب لها كرام اللحى من حلاها

طول الجدار وقصرة الرجل نوماس
= لا صار ما للرجــل داع دعاهــا

تصير بعيون الرفاقه معك باس
= لا صار ما تدعى تره من عناها

يصير قالات ويصير لولاس
= ونوب (ن) من الأدنين ياتي بلاها

قلبك يصير ويضرب القلب عوماس
= والنفس تقدح عقب زايد غلاها

خلك على بابك تقل لون حراس
= لا جوا عليهن محترين عشاها

لا جن مع الخل الشمالي لها اضراس
= والكل تشكي رجلها من حفاها

نرحب بهم من قبل تجديع الألباس
= ونقلط لهم تمر الحلا من نماها

ونذبح لهم كبش مربى بالأطعاس
= ونقلطه من قبل يقرب مساها

هذي سلوم جدودنا قبل من راس
= واللي بعدنا كــان ربي هداهـا

منقول وأنتم سالمون وغانمون والسلام .