[فهيد بن راكان آل دخيل الله الملحي]

السلام عليكم

قصيدة في الشيخ / زيد بن ناصر المليحي السبيعي بمناسبة زيارته للكويت سنة 2003




سيف جدي

قصيدة في الشيخ / زيد بن ناصر المليحي السبيعي بمناسبة زيارته الى دولة الكويت بتاريخ 3/10/2003 وابوحسين من شيوخ سبيع البارزين والحريصين على عز السموه وفعل الخير وهو كالسيف ذو حدين يحرب به ويفخر به .

صامل العلم والأيراع بين البنان = بأبيض الطرس سطر يا قلم بالدواه
بعد ماجا الشعر والشعر حان = نبتدي قيل يطرب من سمعه وقراه
أزكي الأمثال وجزال المعان السمان = صادق الجاش نبع الفكر مما حواه
ريحة العود نفح الهيل والزعفران = لأهل الكيف وأهل الصنف ينعش هواه
مرحبا ما يصوم الصايمين أرمضان = وعد من حج بيت الله وأقام الصلاه
بالنيابة عن الجمعين وأهل المكان = مرحبا يا مشرفنا بوجـه (ن) وجاه
السموه لشخصك كل منهم مدان = لطيبك اللي عسى تعطى من الله جزاه
يا مقيم المعالي يا عدو الطمان = يا رفيق أهل التقوى حريب العصاه
فزعه اللي شكالك من ظروف الزمان = يا مفرج هموم اللي زمانه وطاه
سيفنا اللي نماريبه طوال اليمان = سيف جدي وجدي بالثمن ما شراه
وكل من راوده فكره لعز الكيان = الله أنه يعـزز موقفه ويهـداه
خير الأقوال والأعمال وأبلغ بيان = بأمر فرد صمد ماله شريك (ن) سواه

الشاعر الكبير / جبار مقعد بن جبر الصميلي السبيعي





ودمتم بخير ،،



.