[جعد الوبر]

المشاركة الأصلية كتبت بواسطة جعد الوبر

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصة المشهورة والتي تتداولها معظم القبائل المجاورة لقبيلة سبيع بن عامر الغلباء وقد سمعتها من كبار السن ويقولون فيها : أن الشاعر الفارس / دواس بن رمضان الزعبي رحمه الله وأسكنه فسيح جناته كان نازلا مع احدى القبائل وعندما دخل موسم الصيف وشحت المياه طردوا حلاله ( إبله ) عن الماء ورحل قاصدا قبيلة سبيع بن عامر الغلباء على اّبار رماح من أشهر طوال نجد ونزل ضيفا على الفارس / عبيد بن صنهات الصميلي السبيعي رحمه الله وأسكنه فسيح جناته وكانوا في يوم عاصف فقام عبيد رحمه الله بإكرم ضيفه وأرسل أبناءه لسقيا إبل ضيفه الفارس الشاعر / دواس بن رمضان الزعبي رحمه الله وأمرهم أن لا ترد إبله على الماء حتى ترتوي إبل ضيفه وعندما رأى ضيفه الفارس الشاعر / دواس بن رمضان الزعبي ما فعله الفارس / عبيد بن صنهات الصميلي السبيعي بعدما حصل له من القبيلة التي قدم من عندها حيث منعوه الورد على الماء قال هذه القصيدة المعبرة :

يا فاطري ليلة وردنا رماحي= صبح أربع في لاهب القيض مضمين
عين عيوني يقبلن المراحي = من واهجن بالصدر لو عنه تدرين
عد (ن) طويل ويذكر إنه ايماحي = عليه أجانيب وناس (ن) كثيرين
وأنا أحمد اللي حط دربي سماحي= الذود يشرب والقبايل محيمين
ساعة نزلنا والشحم له صماحي= أبعد عمس هلهن عسى عمره سنين
عبيد شوق اللي ثمانه وضاحي= سعد الرفيق وسعد من جوه عانين
غنيمة في العسر ما هم شحاحي= أيمانهم تثعى الشحم والنبا زين
اّلاد صامل مبعدين المشاحي= عز الرفيق وسقم عين المعادين
وسواة من قانص طيور الفلاحي= يصيد لو كل القوانيص مخطين
أهل سربة (ن) لا من جذبها صياحي= تلحق بسبعان (ن) على الهوش ضارين
بشاش الظواهر والبواطن صحاحي= مرن سلاطين (ن) ومرن شياطين
يا زينهم لي من مشوا بالنصاحي = ويا شينهم لا صار ما هم براضين
بني عمر ما مثلهم فالنواحي= سعد القصير وسقم طلابة الدين
وإن جاء نهار (ن) فيه زرق الرماحي = ما يقبلون إلا برجح الموازين
كم عيطموس (ن) لبسوها الشناحي= تصبح تخير في الربوع المسمين
يالله يا رازق خفوق الجناحي= يا عل ملاكة رماحً (ن) عزيزين
قصيرهم يشرب وعده رماحي= يوم الردي يطرد قصيره عن العين

منقول بتصرف مع خالص التحية وأطيب الأمنيات وأنتم سالمون وغانمون والسلام .

أخوي / وطبان مشكور على مرورك العذب بقصيدة / دواس بن رمضان الزعبي رحمه الله في / عبيد بن صنهات السبيعي وكل عام وأنتم بخير مع أطيب أمنياتي وخالص تحياتي .