اخواني اعضاء هذا المنتدى الضخم
اليكم هذه القصيده وارجو ان ترتقي الى ذائفتكم الشعرية....
يااللي على قلـب عبـدالله تمكنتـي=خفـي بحبـك ترانـي رايـحٍ فيهـا
خفي بحبـك علـي شـوي لاهنتـي=حبك ذبحني ونفسي معـك مشقيهـا
يااللي على مملكـة حبـي تسلطنتـي=رسيتي الحكـم شرقيهـا وغربيهـا
من يوم شفتـك وبالجـوال تلفنتـي=سلمت لـك نفسـي اولهـا وتاليهـا
يدفعني الشوق وايضاً يدفعـك انتـي=يااللي على كـل شـيٍ لـي موليهـا
برهنت لك حبي الصافـي وبرهنتـي=ودولة محبـه لنـا شوفينـي ابنيهـا
أيقنت باْنك ملاكـي وانتـي أيقنتـي=وزرعت لك مزرعة حبـي وبسقيهـا
لكن أشوفـك بعـد مانتـي تمدنتـي=غيرتي الطبع والاطبـاع وش فيهـا
في تالي الوقت اشوف انك معي شنتي=اْخلاقـك مدبلجـه لكـن بمشيـهـا
نفختي النفـس واشوفـك تشيطنتـي=ونياتك السود بانـت لـي مواريهـا
وسياتـك مسكنـة حتـى تمكنـتـي=ذريتي كحل العيـون اللـي بيعميهـا
وانا احمد الله علـى حقيقتـك بنتـي=خلـي عيونـي تهنـا فـي لياليهـا
من قبل تمشين لطفاً منـك لاهنتـي=بعطيك انا حاجـةٍ عنـدي موزيهـا
أخذي محبتك من يـوم انـك بينتـي=محبـةٍ سامجـه ماعـاد انـا ابيهـا
لكن حقيقـه علـى قلبـي تمكنتـي=روحي ترانـي ترانـي رايـحٍ فيهـا