[خيَّال الغلباء]

بسم الله الرحمن الرحيم

إخواني الكرام / أعضاء منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة المعبرة للأخ / الهداف ويقول فيها :

وصلت علوم وباقي علـوم وعلـوم
= ولا زال تيـار المراسيـل حـامـي

ما وقفت شكوى المظاليـم لـو يـوم
= والجرح بقلـوب المظاليـم دامـي

من يشتكي من الظيم ما هو بمليوم
= لا صار خصمه من كبـار الأسامـي

الفارس اللي حاربت عينـه النـوم
= ولا سمـح لعيـون جـاره تنامـي

على ( المسنجر ) راس أبو زيد محزوم
= تعبان من طول السهـر والحيامـي

يكتب ويرسلـه مراسيـل ورقـوم
= ماخوذ قوم (ن) لعب فيـه الهيامـي

يقول ضيفونـي أنـا سيـد القـوم
= ومشيد (ن) فـوق الثريـا خيامـي

أنا على الشاشات بانت لي رسـوم
= سنـة يصيـدون الجـراد التهامـي

وأنا تراني هازم الفـرس والـروم
= وفيما مضى حميت بيـض النعامـي

وهو ما درى إنه ملحق (ن) نفسه اللوم
= ومن جاء على درب الملامـه يلامـي

ومن صار له وجهين لا شك مذمـوم
= لا وارد (ن) يشرب ولا سيـق ظامـي

الحر ما يمكن يجـي منـزل البـوم
= دايم على روس الشواهيـق زامـي

والحر لا منـه شهـر يبعـد الحـوم
= خلك على ما قيـل حـر (ن) قطامـي

طبع الوفى مجبول في كل شغمـوم
= وإلا الغدر طبـع النفـوس اللئامـي

لعل يسمع راعـي العلـم ويشـوم
= عما نوابه تحـت جنـح الظلامـي

ونصايح أهل العرف عادات وسلـوم
= يعطى النذر قبل البـرا والزحامـي

ومن طاح بين الناس ما هو بمرحوم
= يصبر على ضرب القنا والسهامـي

منقول مع خالص التحية وأطيب الأمنيات وأنتم سالمون وغانمون والسلام .