[خيَّال الغلباء]

سبيع غلبــاء موقعــه شغل بيطار=نبحث وكل اللي نبي فيه نلقـا
أهله من اللى تيهت نقو البكار=ترعـى البراري حادره ثم ترقا
مرباعها الصمان لا حد سنجار=غرب وشمال مجنبه ثم شرقــا
لا من هزبـوا قيـل عسافة مهار=أذوادهم متيــهاتٍ وطلقـــا
مكرمــه للضيف ودله الجار=ومفطحات فوقه السمن غرقـا
غرس بقلبي حبها وآل الأقدار=ليطارش الله يسرق الروح سرقا
سبيع حلمه يشمل الجار والمار=لكن على العايل ترا حيل حمقا
تضرب على الكايد ولا همها حار=المعتدي قلبه مع الكبد حرقا
أجلهم ما غردت كل الأطيـــار=وما رفرفت بين العسيبين ورقا
وما غرد القمـري على فرع الأشجار=وعد المطـر وما يشعل المزن برقا
وصلا ة ربي عد هجعات الأسحار=وعداد ما يفتح من الباب غلقـــا

أخي الكريم / سبيعي البكيرية السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شانك على هذه القصيدة الجزلة وكل عام وأنتم بخير وصحة وسلامة هذا والله يحفظكم ويرعاكم مع خالص التحية وأطيب الأمنيات واسلم وسلم والسلام .