[نجم سبيع الغلبا]

القوافي لستـذارت مثـل ربـد النعـام =
قايدتها عـن هواهـا لهوانـا نردّهـا =
والمعاني لستقامة لهـا صفّـق وقـام =
كـل رجـلٍ يحترمهـا ويخطـب ودّهـا =
به رساله ماتضمّـن تحيّـات وسـلام =
طال عمرك يارسولـي لهيكـل ودّهـا =
واسأله يومـه خبيـرٍ بتزييـف الكـلام =
وكـل منبـر للشحـاذه يديـه يمدهـا =
وش يعرّض ناقص القدر لرجالٍ حشـام =
عالـمٍ ماهيـب قـدّه ولاهـو قـدّهـا =
عرّض النفس الرخيصه رجالٍ ماتضـام =
تهلكه في جزرها تغرقـه فـي مدّهـا =
تتصف بالخبث دايـم خفافيـش الظـلام =
ميـر حنّـا لازعلنـا لعـنّـا جـدّهـا =
لانوينا ماكتبنا حسـب مجـرى النظـام =
وان زعلنا عقب ضيقه صفقنـا خدّهـا =
الكريمـه يامبـارك تعامـل بأحـتـرام =
العشـا ذالليـل عنـدي وبكـره غدّهـا =
لك أقدّم مفـرداتٍ مثـل زجـل الحمـام =
ماتوانا في عددهـا ولا أحصـي عدّهـا =
الفرايد طيرها في سمـا الأبـداع حـام =
والنوايا نعرف اللـي معاهـا وضدّهـا =
والنوادر من رها والشهاده من وسـام =
والجزالـه ياقصيـدي وفكـري بدّهـا =
والمطيّه مالها الاّ العصـا ولاّ الخطـام =
العصا فـي جنبهـا والخطـام يردّهـا =
به رساله منّها ياكـل الخشـم العـرام =
مزحها عندي وهيكل بلش فـي جدّهـا =
ليه غيّر في مسيـرة وتاريـخ الامـام =
لين وصلة ضيقة النـاس منّـه حدّهـا =
هرجته مانزّلت مـن عزيزيـن المقـام =
لايحسبنّـه بيـوت المـعـزّه هـدّهـا =
عظم عرقوب الجمل ماوصل راس السنام =
لو عرقوبـه عليـه السيـوف يحدّهـا =
مايضحكنـا ممثـل مثـل عـادل أمـام =
والكفوف اللي تندّي شـرب مـن ندّهـا =
علمّوا هيكل ترى الشيخ في الحكم الغلام =
مير يامسلط ليا أخطـا البهيمـه عدّهـا =
والتحيّه والثنـا فـي البدايـه والختـام =
ومدّلـي أم الشحـم ولاّ أنـا بمـدّهـا =