[ابن بداح]

ترى حنا سبيع اللي لنا تاريخ مثل الشاش"="هل الفعل المشرف والوفا بالعهد فزنابه
معسفة المهار المسرجة حماية الابواش"="هل المثلوثة اللي ميزت لابةعلى لابه
واهل عشر الركاب اللي صدفهم فاخر المطراش"="ثلاث الاف خصمًًًًًًًٍٍٍٍ(ن) بالعداوة يفتل اشنابه
ويوم الله نصرهم خلًًص الديان نقد وكاش"="وصارت معجزة والفعل هذا مايحلابه
ومن يلجأ لقبر فهيد يعفى عنه مايناش"="كذلك يعتبر هذا تفرد وانفردنابه
وابن هملان راعي ملقه اللي دون ذوده هاش"="حماها في ديار القوم وانهى من تهقوابه
وعجران العمى وعلومه اللي ينعشن انعاش"="وبن قطنان زيزوم الكرم والمجد يحظابه
مزايا من مشاهير المراجل ماتروح بلاش"="تقدرها الرجال وكل راعي طيب يجزابه
فقط سجلت رؤوس اقلام تكتب في بياض الداش"="قليل(ن) من كثير ولادعى الداعي هرجنابه
وحنا مانخون بعهدنا لاخان ولد اللاش"="وناصرنا الامام بعهد صادق والتزمنابه
نمثل جيش اخو نورة مع المهجاد والمغباش"="من اول مابدا لين خضعت له روس حرابه
وخضبنا القنا والسيف لامدفع ولا رشاش"="ورا صقر الجزيرة لين جاب الصيد مخلابه
وتم النصر والتوحيد والقايد بنصره شاش"="نصره الله ليعلي كلمته ويحكم كتابه
مئة عام وثلاث سنين مجد(ن) ينقشه نقاش"="على صم الصخور بريشته وإملاه واعرابه
ترى حنا سبيع اللي لنا تاريخ مثل الشاش"="هل الفعل المشرف والوفا بالعهد فزنابه