[عاشق المجد]

بسم الله الرحمن الرحيم


إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة للشاعر : مشرع ذعار العوهلي السبيعي

جاني قرار صدر من مجلس الشوره=
اصدر عليه الأوامر عضو اسياسي =
من بعد ما كانت الأوضاع محسوره =
قريت نص القرار وطير انعاسي =
وجتني نوادر بنات الفكر مصخوره =
جواهر ما خلطها صفر وانحاسي =
وردت عد تخالف ورده اصدوره =
صوت المحاحيل فوقه تضرس اضراسي=
عد الروى رجس للمقوين ناعوره =
للي يلولس حبال الفتل لولاسي=
لامن قليل المشاحي يبس حنجوره=
يشكي الضما ما ورد عد الروى الراسي=
زنانتي ساعت الشدات مذخوره =
شربت وكثر كبود الخلق يباسي =
عطيت لي سكة بالعرف ماثوره =
يوم العماوي تلمسها تلماسي=
ورثت جدود قديم الوقت مشهوره=
خيالها لالبست الدرع والطاسي=
تصعب على شلت عمي مغروره =
كل يهجرس على عمياه هجراسي =
يا كود من وقفته تعرف ومخبوره =
قدامها كنت في الموضوع متباسي=
لامن غميق المعرفة مد ناظوره =
ينوس ذلي باقي الخلق مناسي =
ون كان خطر هل الجعدات مسكوره =
قدامهم خاطري ضايق ومنحاسي =
الوقت ضيق اصدور ويشرح صدوره =
والروس تشكي بلاها حلق الامواسي=
يصغي مع الي من الكرمة دفن سوره =
ويعوكس أهل الوفا والطيب عكاسي =
سقوى أليا قالوا الوديان مغموره =
وبل أخياله يصبح الصبح ويماسي =
مافيه تل ماجا بملاها تبخوره =
والعشب متخلبص فيها تخلباصي=
وختامها نرجي الزلات مغفوره =
حتى تسود السعادة عقب الاتعاسي=