[سبيعي من الهضوب]

مبروكن الفوز ياحثلان=مواقفك ونت شايفها
تاخذ مع أها الوفا مكان=ومن المواقيف نايفها
فوزك تماريبه السبعان=ربعن مقامك يشرفها
والفوز في مزاين الشجعان=فوز الفخر ونت عارفها
زاينت بالوضح في الميدان=وضحن زيانن وصايفها
في زينها تشهب الاعيان=وسهاف لوما تساهفها
ومعها لا طق البيد اجنان=كن اشهب الملح شاعفها
أزيان وتحطم الكيان=لا وقفت في مواقفها
ومن شافها يلعن الشيطان=يركد وتركد ولايفها
ونجا على الصلب وصمان=سحبن سقا الارض واكفها
تمشيه لا من نبته زان=وترعى طلوعه وتقطفها
حثلان من لابتن شجعان=ربعن على الطيب سالفها
اعزيزين في المراجل بان=تشهد بطيـبة طوايفها
مبروكن الفوز ياحثلان=يامن افعوله يشرفها
رسالتي لك ونا فرحان=لا خذت منها طرايفها