[ابوسالم الريس]

اهدا من على القحطاني الى ابو سالم الريس

مع نسيم الصبح بارسل سلامي
وازكى تحيات المودة والاشواق
اخترت ساعة راحتي وانسجامي
والشمس دنت وانحنت يم الافاق
والقول والمعنى على مايرامي
والجوصافي والفكر ماراق
خمسين بيت اكملتها بالتمامي
نظمتها في ظرف ساعة على ساق
مثل البرد من سابحات الغمامي
في ليل وتنثر على نور براق
ابيات شاعر ما يجيه التهامي
ماهو لغيره من اهل الشعر سراق
واهديتها لك ياكريم الكرامي
صديق متربي على الجود صداق
صديق اللي يوم وقت اللزامي
ياشايل اهمومي لياخاطري ضاق
ابو سالم يا ذاكريم الاسامي
رمز الرجوله والشجاعه والاخلاق
قله سبا حالي كثير الهيامي
واسباب مابي من دقيقات الاعناق
ذهبت للحفلة بكل احترامي
حامل معي دعوة بقرطاس براق
لقيت من ضيع علينا الكلامي
والحفل نخبة من رفيعين الاذواق
يوم التفت وانحل عقد اللثامي
لو شاهده من غاب عن واقعه فاق
بانت شفايا كنها توت شامي
على ثنايا من كرستال براق
ابو جدايل مثل ليل الظلامي
اما اجتمع ولاغداله تفراق
تحت الحواجب مثل حد الحسامي
وفوق الحواجب بارق الصيف شعاق
ماحط بذراعه نقوش الوشامي
ماقد عبث بكفوف ايديه دقاق
لكن مخضبها بحنا تهامي
نادر وجوده ما جلب وسط الاسواق
والجسم كنه ماخلق به عظامي
محتار كيف اشكي هوى مبرم الساق
اشتاق له شوق العطاشا الضوامي
وفرح فرحها شافت النهار دقاق
فتان مغري وان قعد وان قامي
ياظامر السرجوق نشفت الارياق
توي دريت ان الغرامي حرامي
وانا غريبة كيف صدقت بواق
الحور تسكن دور الاضامي
الا يامحمد طابع البدو حراق
عليه عيني ساهره ماتنامي
عليه شعري يشتكي ضيق الاوراق
قد كنت في حب العذاراء عصامي
وباب الهوى عندي مصكر بمغلاق
والسوق مادانيه وقت الزحامي
يوم العرب تاتيه من كل مطراق
يامحمد اخبارك تجيني شمامي
وانته بحب البيض هايم وعشاق
اذاحبيبك يامحمد نظامي
حاضر وغايب مابعد خان ميثاق
يناقشك بسلوب راقي وسامي
والحب قد غاصت جذوره بالاعماق
حافظ على حبه بكل اهتمامي
واعطه من الاخلاص طاقين بالطاق
اما حبيبي اللي على طول حامي
لايمكن العشره مع ذاك تنطاق
يبدل ايم الرضا بالخصامي
ويهددك دايم بهجران وافراق
والصيد واجد وانت ياخير رامي
اختار من غزلان لافاق مالاق
والوقت يمضي عام بعد عامي
راحو من اجواد العرب كل عملاق
قليل زيك ياشديد الحزامي
الشاهد الله صدق ماهو تملاق
غنت بلحن الحب بيض الحمامي
وقلوب بيضاء للمحبين ورقاق
والحب مايعرف شمالي ويامي
القلب له في كل الاوطان خفاق