البارحة يوم آمسو الناس ممسيت
سقت القوافي والبيوت الثمينه
لي هقوت (ن)في الطيب اليا تهقويت
راع الوفا والطيب ربي يعينه
واشكي على قرم (ن)مع الناس له صيت
إلي على العليا تسوقه يمينه
يابو ثواب بدار لجناب مليت
ومثلك درا بالوقت زينه وشينه
ابعدت عن قرب الجماعه وياليت
الجيش ربي حال بيني وبينه
اصبحت مملوكاً لبعض الخراتيت
وعزي لمن مثلي حدنه سنينه
بين رحمان مكبرت مجلس البيت
أهل الكرم واهل البيوت الحصينه
سعد الخوي والجار للفعالهم صيت
يوم الجهل كم من عدواً تهينه
لا جا نهاراً به عزاوي وتصويت
فنجال حرب المعتدي شاربينه
ما قولها هرجاًعلى غير تثبيت
قولاً صحيحاً والعرب خابرينه
هذا ويلي لسبيعي توحيت
قولاًعلى بعض الورق كاتبينه
على نبي الحق صلوا وصليت
أعداد من زار الحرم والمدينه
هذي القصيده لشاعر الكبير /مثيب بن فريج الصندلي السبيعي
كاتب القصيده /عبدالله عجلان المكحلي السبيعي
وشـــــــــــكـــــــــــراً