ابو سالـــــــــــــــــــم
الله يعطيك العافيــة .
وصح لسان الشاعر الهبيري .
قال الهبيري يوم ينظم للابيات=ويقول يابنت الشرف لاتضيعين
الغرب لايغويك بين القنوات=اللي يبونك للمراقص تروحين
ويقولك خوذي على الفن دورات=ويقول حريتك لازم تهزين
انتي عفيفه والتغطي لك اصفات=وحمايتك من شر ذولي تغطين
لاتغرك الموضه وتقليد عادات=وحذرا من الاسواق فيها تمشين
اللي بها الفتنه وتعليق موضات=اللي بها تندس روس الشياطين
ترا الغلط مايفيد جبره اليا فات=والبنت غلطتها بعشره ملايين
واهم شي يابنت فعل الصلوات=تنعاف بنت ماتربت على الدين
والزوج لايصيبه من احيلك حيلات=حذرا من اعناده ولاامره تعدين
اللي بعصيانه ترا تحل لعنات=لايعتلي راسك عليه وتغلين
ولوالدك منك المبره وخدمات=والام طيعيها ابما تستطيعين
وحذرا من الجوال في حلو الاصوات=ولذيابة الحب العمى لاتطيعين
واحذرك من دخلة النت والشات=الا بعقل يعرف الزين والشين
واسمع ازيادة شر بعض الاشاعات=قالولي انك بالشوارع تسوقين
صدمة خبر ماتنهضم يافتيات=مار احذرن قبل المصيبه لنا تبين
ويابنت للشيمه اسلوم وعلامات=وإلاتعطلتي وقمتي تدفين
ومع عسكر النقطه لنظرتك نضرات=لازم يطلعلك خطاك وترجين
لومانت مخطي طالب منك الاثبات=لوهو لاأجل صورتك في خدك الزين
وصلاة ربي عد ماتقرا الايات =واعداد مايمشي على الارض ماشين
واعداد من خلقوا مع اعداد من مات=واعداد مايركع لربي مصلين
على نبي خاتم للديانات=وارسل لخلق الله وحظ المسلمين
الراجحي بنـك يبـي ياكل الـناس= لكـن نبـي حـمله وصـمله نخلـيه
حملة عواقـبها على البنـك الافـلاس = الحملة اللي بالتكاتـف اتصـفـيه
بنـك ومـنه النـاس توجسلها اوجاس =من عـهد الاسهم والبـشر ماتدانيه
بنـك على احسابه رسـوم بـلا سـاس = تمشي على ناس وعن ناس نافـيه
علـى ضعيف الارصـده رافـع الفــاس= ولا علـى التجار تضفي حسانيه
اليا متـى يالـراجحي جمـع الاكياس = واشارة السالب على احسابنا ليـه
ودايم على احساب المساكـين عساس=لكــن لـفانــا عــلم نـجهل خـوافيه
خمسـين نـاوي خصمها علم حساس = وش الـذي يالراجحـي كنـت ناويه
كلـن مـن اقـروضك يعاني ومحتاس=لاراس مال ولا لقـى بيـت يؤيـه
كلـن مـن ديـونـه شـكى هـم وعـماس = وان شـاف لوحاتك تـزايد طـواريه
مالـي فـي عـملـتـك مكسـب ونومـاس= وحـسابـي ابجيـك وابغـاك تلغيـه
ونـبي نــروح لسـامـبا بنــك لاباس= اللي الـيا جـالـه عمـيله يقهـويه
بنك على خـدمة عـمـيله له احساس= وموظــفه باخـلاق تاخذ وتعـطـيه
والـبلاد بـنـك عـملـته مابـها بـاس= بنـك نبـي نفـتح احسـباتنــا فــيه
ماشـي نضامـة دون زحـمه وحـراس=وحـتى المـوضف فـيه كلـن ينـاديه
وان جـيتـهم قالو على العيـن والـراس = ويـروح مشـوار التـعب ماتـعانــيه