[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع الغلباء السلام عليكم ورحمة الله وبركاته وبعد : فإن الشعر ديوان العرب ومليحه مليح وقبيحه قبيح ويعلم مكارم الأخلاف وإليكم هذه القصيدة المعبرة لشاعر القبيلتين الكبير / دسمان بن مناحي المحمدي السبيعي صح لسانه وسلم نبضه وبنانه ووفقه الله وحفظه ويقول فيها :

يالله يا عالم اعلاني وكتماني= ياللي لك عبادك الخشّع سواجيدي
الطف ببالي وجملني بالإيماني= واجنبني الشر ودروب المناقيدي
أخطا عليّ الزمان وحطّم اكياني= كسّر شدادي وفرّح بي حواسيدي
أثقل عليّه وعذبني وعناني= وأهل الضغاين تزيد الحبل تعقيدي
أدرى المشاريه وأدرى غلطة لساني= وأخشى على سمعتي لذع الحواقيدي
وأرفض هوى النفس وأخزي كل شيطاني= وأسعى ورى الستر غير الستر ما أريدي
ولانيب أخيل الخيال إليا تعداني= واركاب فكري عن الحادر مسانيدي
ما أزكي النفس مير السلم ينهاني= أسمو بنفسي وتسمو بي مقاصيدي
والمنه اللي تزيد الرجل حقراني= مالي بها لو تزيد العمر ترغيدي
الشوك عندي ولا السجاد الإيراني= دام الكرامه زمام خطامها بيدي
ما تغني الناس كان الله ما أغناني= اللي إليا من عطا ما يعطي زهيدي
مرحوم ياللي لعز النفس رباني= هو الذي يستحق أقول له سيدي
والله يا كان ربي ما رفع شاني= ما يرتفع من مجامل زيد وعبيدي
يكفيني اللي من أسباب الدهر جاني= عرفني الخايبين من الأجاويدي

منقول مع خالص التحية وأطيب الأمنيات وأنتم سالمون وغانمون والسلام .