[مطول الغيبات]

ولّي خلـوجٍ علـى سمـرا فَمِـي تـرزم = كـلْ هـمٍّ أقفـى تـردّه جـاي وتْعَزمـه
أوّل زمانـي وأنـا همّـي ثـمـان أرزَمّ = وأتلى زماني وكـلْ رزمـة مِيَـة رزمـة
من شطّ قزوين أجاوب شاطي القلـزم = وأطراف ريشي بعـوق سْبـوق منْلزمـة
يا ساق لو صيّرك حذف الطغـاة أحْـزَمّ = غيرك عرب وأنت عودٍ من عَرَضْ حِزمة
وقتٍ تمرسـل قفـا علبـاي كـود أبْـزم = وأنا متـى مـا بزمـت البزمـة البزمـة
فياللي تراني قزم عيني تـراك أقـزم = ومن آهَلِك مـن تعـوّض قربـك بْكَزمـة
عن موميا مصر بحثي في حصا زمزم = وعلم الجَبِـر دارسٍ قبلـك خـوارزمـه
ما أحدٍ عن الشُبْط ينشد كنّـة المـرزم = لا قـد تخـاون ولا جـاء بينهـن لِزمـة
يا سعود من كلّ ذو عـزمٍ نبيـك أعْـزم = واحرص ما كلْ عهدٍ بْه اعْـداك ملتزمـة
وإن شفت لك حازمٍ مسّ الحـزام احْـزم = خبلـك لمـا تحتـزم والقـوم محتـزمـة
الحرّ يغضب وإلى شـاف القهـر يجـزم = والعبـد مـا حسّتـه قولة : علـى جزمـة
يا سعود من لا نِصَـرْه الله يبـى يهـزم = وصيّور منْتَصْـرِةٍ يـا سعـود منْهزمـة
اعزم وإلى مـا عزمـت إيّـاك تستعـزم = خلْ ردّها في أكبرٍ ما هوب فـي عِزمـة
ما لازم الاّ ويجيـك الصبـح منـه ألْـزم = ومن آهَلِك من عـدوّك شـدّ بـه عَزمـه
كم خشم لـولا خشـوم ربوعـه بْيِِخـزم = يامن وهو يـا كثـر نـاس تبـي خزمـه
ما كلّ رجلٍ طعَـم هرجـه حلـو محـزم = وحلو الحكي في الشدايد مـا يفـكّ أزمـة
من دون قولـة نِعِـم سبعيـن مستلـزم = ما استلزم الفعل في نصبه وفي جزمه

خيال الغلبــــــــاء


تسلم على هذه الاختيارات الرائعــــــة .


فشكرا لك .