بعثرتنـي مـا قـدرت شلـون أجمعنـي=دورتنـي مـا عرفـت شلـون الآقينـي
حتى وانا اصيح بأعلى الصوت ما أسمعني=هـذا وهـذا حديـثٍ بيـنـي وبيـنـي
حاولـت ألـم الشتـات اللـي مقاطعنـي=وكم سقت عمـري لـدربٍ مـا يودينـي
في داخلي جيـش صرخـاتٍ تصارعنـي=تعبت مني وصـرت اليـوم مـا ابينـي
أشـوف ظلـي بعـد ماكـان يتبعـنـي=صرت أتبعه لين طحت اليوم مـن عينـي
تعـال رتــب مسافـاتـي ورجعـنـي=ليامـي اللـي ترتـب لـي مضاميـنـي
أعطيتني كل ما املـك صـرت أنازعنـي=وشرهات جرحـي كبيـرة يـا سكاكينـي
لاصار صعب أقتنـع وشلـون أباقنعنـي=ابـا احتـرق فـيّ لجـل أنـي ادفينـي
من علم الشمـس تغـرب مـا تودعنـي=جيت اطوي الليل وأثـر الهـم طاوينـي