[حزمي السبيعي]

السلام عليكم ورحمة الله وبركــآته

البارحه و الليل موحش وداكن=جريت لي مع هجعة الناس طاروق..
أستعرضت شاشة خيالي الاماكن=اللي بها انسى ضيق الايام وآروق..
وقمت آتململ وابغي النوم لكن=عيا يجيني نوم من حرة الشوق..
على الذي من بين الاضلاع ساكن=وأحيان يقضي بعض الاوقات فاالموق..
اللي غلاه بداخل الروح ماكن=محبته في نبض وإحساس وعروق..
قلبن من وصاله عجز ماتماكن=عيت تفيده كل مطرود ملحوق..
ياما إعيوني من إفراقه تباكن=وياما شكيت الحزن والهم والعوق..
أخفي إجروحي عن الناس وآكن=همن فؤادي منه بايد ومحروق..
يانفسي وحظي وش اللي بلاكن=ماحولكن راحه ولاطلعة" فوق..

أشاعر : حزمي فراج السبيعي