[lion1430]

المشاركة الأصلية كتبت بواسطة خيَّال الغلباء

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة المشهورة بشهرة قائلها الشاعر الكبير / عبدالله بن نايف بن عون الرويس العتيبي ويقول فيها :

يا مل قلب يسج وفيه دولاجــــــــــــه
= من هاجس بالضماير قام يدرجـــــــها

في معزل عن جميع الخلق وازعاجه
= ما أسمع من الناس لو تكثر لجـالجها

ما غير أهوجس تقول مضيع حـــــاجه
= آخذ وأسند على روحي وأهرجــــها

وأدوج لو كان ما رجلي بدواجــــــــــــه
= أدلّه النفس لين الله يفرجـــــــــــــها

يالله ياللي بيدك الضيق وافراجــــــــه
= يالخالق الخلق يالقاضي حوايجـــــــها

تفرج لعينٍ إليا أغفت بســــوهاجه
= تجهز عليها الطواري لين تزعجــــــها

بالصدر ضيقه ونوم العين هـــــملاجه
= عيني من العام والسهر متولـــــجها

نوب سهرها شديد ونوب نهاجـــــــــه
= ومرّ تكن الدموع ومرّ تزعجـــــــــــــها

عليك ياللي بقلبي كن وهاجـــــــــه
= وهاج نار هوى الغربي يسارجـــــــها

أبو ثمان تشاد اللولو لعاجـــــــــــــــه
= كن البرد يوم يضحك في مفالـــــجها

يا روح روحي وجرح القلب واعلاجـــه
= الطف بحال عليك الهم ساهجــــــها

قلبي يناجيك بسلوب الهوى ناجه
= يشكي لك الحال داخلها وخارجـــها

اما التفت له وتم الوصل بمواجـــــه
= وإلا بلا عشرة هذي نتايجـــــــــــــها

وش ينفعك من حنين القلب وخلاجه
وجروح (ن) أسبابها أنت ولا تعالجـــها

منقول وأنتم سالمون وغانمون والسلام .

مشكور وما قصرت والله لا يهينك