[خيَّال الغلباء]

بسم الله الرحمن الرحيم

= :: (( إذا انتخينــا بــه تخــر الشياطـــــين = لــو كـان شـــــــمـر شاركونا بــقيلـه )) :: =

يا سيبع الغلــباء تـراكم مسمـين = مـن خيل ابن فـراج حامـي الدبيــلــه
مهـره عـربيـه تسـاوي مـــلايـــيـن = صـــار اسمها الغلبــاء وهي تعتنيــلــه
غلاك يا الغلباء على الراس والعين = من يوم سميتـي على اسم القبيـله
بنت الجواد ومن خيول السلاطين = ســـــــاس عـريـق ولا يــدور بــديــلــه
يعيش من سماك وأنتي تعيشين = اســــــم أصـيـل ولايــــق بالأصـيـلــه
سماك شيـخ من كــبار الجـماليــن=ســـبيـع مـرويـة السيوف الصـقيلـــه
عاش البليـداني حليف الميامــيـن=راعـــي الحمــياء اللــي يـروز الثقيلـــه
تسابقي مع خيل الأقصى والأدنين = لا جـت جيــاد الخيـل مثـل المـخيلــه
بإرادة الــلـــــــه بالمذهب تفوزيــــن = كـأس السباق اللي ثقـيل مشيلــه
اللي عليه رسوم نخلــه وسيفـــين = غايـة جمال الكـأس وأنتـي جميلــه
تستاهلينــه يـوم جيتـي تـرفـــين=رف القطـــا اللــي وارد لــه ثـمـيلـــه
اسمك عليك وسام لو كان تدريــن= لـقـب قبـيـلــتـنـــا الــــذى نـتـمـيـلـــه
قلنا وقالـوا واشتبهــنا بالاسمــين = حنــا اسمنا الغلبــاء وغلبــــــا مـثيـلـــه
هذا لقبنا والسناعيـس وافــــين= لــــنـــا الشــرف مـع كاسـبين النفيلـــه
من ماضـي حنـا عليها معـــين = لا غــــيـــرنـــا ســمــي ولا يـستويـلـــه
ومن غيرها لنا فعول وعناوين = مــا هــي بــمجهــولـــه ولا هـــي قــليلـــه
خيـالة العرفاء على الأرض راسين = مــا حــدرت بيــشـه لــبيضــاء نثيــلـــه
حنا هل الردة كـعــام المعاديـــن= وعنــد الـوثـاق أهــل الأدى والعقيــلـــه
وحنا هـل الجيره ربيع المحازيـــن = نــفـــــوز لا بـــــار العميـــل بعميـــلــــــه
ومثلوثه ابن هميل شيخ المراغيـن = كانـت عــى غيـــره شبه مستحيلـــه
جزل المقاطع مع ثمار البساتيــن = ودر البكــار اللـــي تـــــرب الخميـلــــه
في رنيــه الفيحاء بلاد القطانيــن = يـدلهــا الـنـاصــي بـلـيــــاء دلـيــلــــه
من سابع الأجداد توجد لذا الحين =فـازوا بهـا ربعـي من الـلــه الفضيـلـــه
ما دامنا نمشي على الأرض حيين = مــوجوده طـول السنين الطــويــلــــه
عادة لابن قطنان في العسر واللين = وابـن مهـــيد الوائلـي هــو زميــلــــه
اللي يصــوت لا غـداء الليـل ليليــن=جهـرآ علـى شان الطـراقـي تجيلـــه
شهره كتبها اللــه من حظ الإثنيــن = يــوم الشدايــد والمعــاوش ضئيلــــه
مــن فــاز بالعليــاء ذكــرناه بالـزيــن = مـــا ينســـي لو يتفــافــا رحيــلـــه
هذا طليعـه من خبر عــام الألفيــن=تــزفها أشــــواق العلـــوم الجزيله

هذه القصيدة قام الشاعر الكبير / فلاح الحنان باهدئها لي وهي موجودة عندي في ديواني معلقها ولي الشرف وهي في سباق الخيل اللي أقيم بالرياض . صح لسان الشاعر الكبير / فلاح بن ضاوي الحنان وتستاهل الغلباء