[ناجي أبوليل]

الأخوة اعضاء ومتصفحي منتديات سبيع الغلبا يسعدني التواصل معكم برائعة من روائع الشاعر / ناجي بن سعد الصندلي السبيعي وإليكم هذه الرائعة التي أرسلها للشاعر الكبير عبدالله بن نايف بن عون.

رعى الله رجم(ن) ربع الأحباب قاسمه
وطاه الزمان ولا بقى الا مراسمه

تقافت عليه أحداث الأيام واندثر
عليه غراب البين بالنحس واسمه

لحا الله يوم(ن) فرق الشمل بينا
ولحا الله دار(ن) عقب الأحباب عاسمه

تخيلت بيت(ن) للسديري محمد
يقول فيها ساعة الحشر حاسمه

ألا ياربوع الدار وراكي هكذا
وانتي منول للمحبين باسمه

ورا الدار ماتبكي على حيها الذي
تقافت ضعونه محمل البين قاسمه

هذي منازلهم وهذي ربوعهم
صحصاح دو(ن)دارسات مواسمه

وقفت فيها لين فاضت مدامعي
وقلبي تقول بشاطر الحد جاسمه

تذكرت ذكرى من خياله بهاجسي
دايم على رمانة القلب راسمه

لابارك الله منزله وادي الغضا
وفراق من كن البرد في مباسمه

بدوية سعودية تنزل الفلا
ولا قلدت بالمسرحيات باسمه

ولا حطت المكياج في خدها الذي
براق ديجور(ن) حقوق(ن) مواسمه

عسى الأيام تجمع حي بحيهم
وأشوف من شوفه لجرحي بلاسمه

ألوب في داجي دجا الليل وانتحب
كما لاب منهو غاسق الناب طاسمه

ولا عاد لي ياكود شكوى لصاحبي
حمل الشقا عني لعله يقاسمه

عبدالله بن عون عوني ومقصدي
لا غطن(ن) الحاجب عيون الهلاسمه

لي هقوة(ن) في موقع الطيب والصخا
هقوة ضحى صبح(ن) تجلت غلاسمه

قريت سيرة قيس لاعاد غرني
عجزت أحلل يابن نايف طلاسمه

غديت كالمنجوم في داجي الدجا
في صحصح(ن) قفر(ن) تعاوى غراسمه

لا يقتدي بالنجم ولا يعرف الوطن
درويش حجاج(ن) كبار(ن) طراسمه

فاخت طريق القوم واخطا دليلهم
في تختخ(ن) وشموس الأسناع غاسمه

تم الجواب وتم نظمه ولا بقى
إلا الهدف واضح وأنا كنت راسمه