[خيَّال الغلباء]

رعى الله رجم (ن) ربع الأحباب قاسمه
= وطاه الزمان ولا بقى إلا مراسمه

تقافت عليه أحداث الأيام واندثر
= عليه غراب البين بالنحس واسمه

لحا الله يوم (ن) فرق الشمل بينا
= ولحا الله دار (ن) عقب الأحباب عاسمه

تخيلت بيت (ن) للسديري محمد
= يقول فيها ساعة الحشر حاسمه

ألا يا ربوع الدار وراكي هكذا
= وأنتي منول للمحبين باسمه

ورا الدار ما تبكي على حيها الذي
= تقافت ضعونه محمل البين قاسمه

هذي منازلهم وهذي ربوعهم
= صحصاح دو (ن) دارسات مواسمه

وقفت فيها لين فاضت مدامعي
= وقلبي تقول بشاطر الحد جاسمه

تذكرت ذكرى من خياله بهاجسي
= دايم على رمانة القلب راسمه

لا بارك الله منزله وادي الغضا
= وفراق من كن البرد في مباسمه

بدوية سعودية تنزل الفلا
= ولا قلدت بالمسرحيات باسمه

ولا حطت المكياج في خدها الذي
= براق ديجور (ن) حقوق (ن) مواسمه

عسى الأيام تجمع حي بحيهم
= وأشوف من شوفه لجرحي بلاسمه

ألوب في داجي دجا الليل وانتحب
= كما لاب من هو غاسق الناب طاسمه

ولا عاد لي يا كود شكوى لصاحبي
= حمل الشقا عني لعله يقاسمه

عبدالله بن عون عوني ومقصدي
= لا غطن (ن) الحاجب عيون الهلاسمه

لي هقوة (ن) في موقع الطيب والصخا
= هقوة ضحى صبح (ن) تجلت غلاسمه

قريت سيرة قيس لا عاد غرني
= عجزت أحلل يا ابن نايف طلاسمه

غديت كالمنجوم في داجي الدجا
= في صحصح (ن) قفر (ن) تعاوى غراسمه

لا يقتدي بالنجم ولا يعرف الوطن
= درويش حجاج (ن) كبار (ن) طراسمه

فاخت طريق القوم وأخطا دليلهم
= في تختخ (ن) وشموس الأسناع غاسمه

تم الجواب وتم نظمه ولا بقى
= إلا الهدف واضح وأنا كنت راسمه

أخي الكريم الفاضل / ناجي أبو ليل السلام عليكم ورحمة الله وبركاته وبعد : شكرا جزيلا لك على نقل هذه القصيدة المعبرة للشاعر / ناجي بن سعد الصندلي السبيعي صح لسانه وسلم نبضه وبنانه والتي أسندها للشاعر الكبير / عبدالله بن نايف بن عون الرويس العتيبي وجعلها الله في ميزان حسناتكما يوم لا ينفع مال ولا بنون إلا من أتى الله بقلب سليم والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .