[خيَّال الغلباء]

بسم الله الرحمن الرحيم

نومك طرب وأنا بنومي هواجيـس= ما ساهرك بالليل كثـر الهمومـي
أسهر إليا نامت عيون الهداريـس= بالليل أساهر ساريـات النجومـي
أونس بقلبي مثل صلي المحاميـس= الله يلـوم اللـي لحالـي يلومـي
قالوا جهلت وقلت جهلٍ بـلا قيـس= الجاهل اللي ما يعـرف اليمومـي
أشوف عـدلات الليالـي معابيـس= ولأحدٍ من الدنيا عظامه سلومـي
البني ما يصلح على غير تأسيـس= ومن لا تعلّم مـا تسـر العلومِـي
ولا خير في كثر الحكي والتماليـس= وقولٍ بـلا فعـلٍ يجيبـه وهومِـي
وإليا ركبت معالجـات المضاريـس= يبدا على كبدي لهيـب السمومِـي
بالليل أصالي حاميـات المحاميـس= والصبح أصالي كل قبّـا قحومـي
وأقفن بنا مثل النعـام المماريـس= ليا خف عجلٍ مع رفيع الحزومِـي
نستلحق اللي يطلبـون النواميـس= اللي مع الأقصين وأدنـى اللحومـي
ولومي على اللي ينقلون العبابيـس= صنع الفرنج وكل رامـي لحومـي
وشلف ٍ تركّب بالرماح المناسيـس= وسلت المهار وكـل قبّـا قحومـي
والعز فوق معسكرات السواديـس= إليا قصدت اللي بالأشيـاء رحومـيِ
قـب ٍ تنـازا بالنشامـا كراديـس= والطيـر فـي روجاتهنّـه يحـوم ِ
إن جن بالميدان مثـل الدواويـس= وتعاقبوا مـن فوقهـن السهومـي
عرج بأهلهـن كنهـنّ القرانيـس= على الطريح مصوبرات ٍ كظومـي
حتى يزين لنـا المثـل والتوانيـس= والكيف طاب لمن يفـكّ القحومـي
ومن لا يقلّط شذرة السيف والكيس= يصبح عليه مـن الليالـي ثلومـي
ومن لا خذا الدنيا بميـز ٍ وتقييـس= مثل الذي يسبـح ببحـر ٍ يعومـي
كلّ القلم مـن كتبنـا بالقراطيـس= والخيل من كثـر الدلاليـج تومـي
وشيخ ٍ لنا يعطى الفقارا المفاليـس= عسـاه بالدنيـا بعـز ٍ يـدومـي
حر ٍ ليـا دبّـت عليـه النواميـس= إليا اعترض جول الحباري صرومي
إليا اكترب من بعض الأشياء سبابيس= أعـزم ولا بـد الفـرج للعزومـي
ثوب الفرح لبسك نظيف الملابيـس= إن قيل بأيـام الكـرب والزحومـي
واعمل وتلقا وافهم العلم بالقيـس= ودنياك لو زانـت تراهـا نقومـي
تضحك وتخفي لك خفي الهناديـس= تفطر لنا يـوم ٍ ويـوم ٍ تصومـي
أربع سنين ودمع عينـي أماريـس= العين تسهر كـن فيهـا هزومـي
يجلي صدا قلبي ضبيح المهاريـس= إليا جاك شرّاب الحشايش يعومـي
ودلال فوق النـار دايـم محابيـس= إكرامهـن حـق ٍ علينـا لزومـي
من صنعة الصبّة وخمس ٍ تخاميس= وبريّة ٍ تعمـل بهـن كـل يومـيِ
وبهارهـا عشـر ٍ بليـا دنافيـس= كيـف ٍ يعـدّا للنشامـا القرومـي
عدّه لحمّـاي الجيـاد المراويـس= وإلا الحصان اللي بقينـه وهومـيِ
وصلوا على سيد البريـة بتدريـس= صفوة قريش اللي مشى باليمومـي
عدّ النبات وعّـد ذاري الطعاميـس= واعداد ما يمطر سحـاب الغيومـي

جزاك الله خيرا