رد: الكفو عثرة السانه تقلل من غلاه = والردي يخطي ويبطي لا منه ولا عليه
كُتب : [ 19 - 04 - 2009 ]
من نشا عوده على المعصيه عاقة صباه
= وشبع جوع وثقل حمله وكلة منكبيه
ولا تجي غايتك مثل السبيل لمن بغاه
= اتحذف ثوبك على النار وتقول احتميه
ولا تخاوي من تغلبه على العرف العياه
= ترى الأحمق ما يدلك على الشور الوجيه
ولا تجالس من يذم المقفي في قفاه
= حتى لو إن كل عذروب قاله فيه فيه
ودلو خلان الرخا لا تجود في رشاه
= من كلته النار منهم توقى والديه
ولا يذلل ضيف مجلسك لو يرفع عصاه
= ولا تردى في نسيبك ولا ترخص ذويه
وحتى سابع جار لو جار لا تسهج حماه
= عقب اللي ما ينومس قصيره ويحميه
واحتمل زلة رفيقك ولا تبحث خفاه
= سية تدفع بحسنه وذخرن تقتنيه
زبدة الموضوع من مبتداه المنتهاه
= من أول بيت القصيده إلى آخر ما يليه
الكفو عثرة السانه تقلل من غلاه
= والردي يخطي ويبطي لا منه ولا عليه
والثقه كنزن ركونه تنومس من بناه
= والحكي لو نزه الدنس ما دنس نزيه
صح لسان الشاعر / فلاح القرقاح وسلمت يمنى الناقل
|