[lion1430]

ولو سبيع التمر ما حداكم لـوم
= ولا حدكـم غـرس تسقـا بماهـا

طحتوا بنار صلوها يطرح الحوم
= واللي ورا نجـران قـاده سناهـا

مشروبكم شري يذوب على الصوم
= وعيونكم بالشب جود ادواها

ويلاه يا من هو غدى بأول القوم
= خـلا رباعـن طافيات (ن) ضواهـا

مجلاد (ن) اللي في القسا يذبح الكوم
= ولا جاء طراد الخيل بيح عزاها

مع ناجي الأدغم فزع كل مضيوم
= معطي جياد الخيل مهفي عطاها

يا ما عطى من سابق (ن) ما لها سوم
= لـو إنهـا بالبيـع ما أحد (ن) شراهـا

ويا ما فجع كبد المعادين من يوم
على مهار (ن) ربح أهلهـا غذاهـا

أشقر يدير الموت كنه من الروم
= دور لسيات البـلا ليـن جاهـا