[lion1430]

هذه قصيدة للشاعر الكبير / سعد بن جدلان الأكلبي تتكلم عن الأصدقاء وفعلاً كلامة صحيح اسألوا واحد جربها ويقول فيها :-

البارحه عنزت للراس كفي
= وعنيت من باب الشرس والحماقه

حبيت أبين من هجوسي وأخفي
= ملامح (ن) عن الأصدقاء والرفاقه

صديقي اللي له لسان (ن) يلفي
= ولو صملت مني نوى الإنسراقه

أحسن يقفي عن طريقي وأقفي
= مستغني (ن) بالله ولا هالصداقه

ورفيقي اللي ما يوقف بصفي
= لا ينكتب بيني وبينه علاقه

فرقاه ربح وجيته ما تشفي
= إلا الذي ماله على الشي طاقه

وإلا بعضهم للعلوم متلفي
= إليا جاك حمل (ن) حط فوقه وساقه

كبير قلب وبالحياه متعفي
= راس (ن) خلقه الله في جسم ناقه

لا مولع (ن) نار (ن) ولا هو مطفي
= من حيث ما يصفق به الموج ساقه

أرجوا أن تحوز على رضاكم منقول وتقبلوا تحياتي .