انا لنا في كل ديره ميادين = ندفن بها فريس وشيوخ اهلها
نضرب جملهم ضربة تدمي العين = ولانشدنا عن متاقي ثعلها
يوم المغازي والعزاوي نياشين = كم فرقوا ربعي هنوف وبعلها
بخوتنا وبشوتنا باول الحين = وصف الخلاوي في زمانه شملها
بسيوفنا يالمطلع رقصة البين = واما شلافينا يورخ عملها
نجوس دار خصومنا ووالبراهين = متقدمه والدم روى سهلها
سبيع ابن عامر سقام المعادين = ما احد على سطح البسيطه جهلها
وايضا لنا صولات في نصرة الدين = والمملكه قمنا بنصرة بطلها
وان كان بالشعار خضر البساتين = تلبس لنا زاهي وغالي حللها
صلوا على المختار خير النبيين = اللي مساعيه الكريمه بذلها