[خيَّال الغلباء]

المشاركة الأصلية كتبت بواسطة الزعيم الأول

بسم الله الرحمن الرحيم

اخواني الاعزاء متصفحي منتدى سبيع الغلباء السلام عليكم ورحمة الله وبركاته وبعد نحب ان نورد لكم قصه وقصيده لشيخ / فايز بن قعدان بن مجفل السبيعي رحمه الله رحمة واسعه في يوم من الايام تنوم المذكور في احد المستشفيات وجاءه الممرض وقال له نزل ثوبك ولبس ثوب المستشفى وعندما غيره قال له الطبيب مبسوط يا شيخ فحينها تذكر وضعه الحالي والسابق وتذكر مزرعته وهي واحه من النخيل تضم اربع مية نخله وكانت ضل ضليل وجوا بارد وكانو اهل الخرمه يطلقون عليها الجميده من طيب ارضها وخصوبتها وعندما سمع كلام الطبيب يوم قاله مبسوط تهيض وقاله قصيده لم اعثر سوا على اربع ابيات منها :-

والله لو لبستني لبس (ن) جديدي

لانيب مبسوط (ن) ولانيب باغيه

يجوز لا من رحت عنكم ابعيدي

شوف الغروس اللي كبار (ن) مثانيه

فيه التمشى وحالي يزيدي

فيه التمشى وانتظر في مساقيه

ياالله يالمطلوب رب العبيدي

انك تزينها وتسيل بواديه


منقول وانتم سالمين

أخي الكريم الفاضل / الزعيم الأول السلام عليكم ورحمة الله وبركاته وبعد : شكرا جزيلا لك على هذه الأبيات الثرية والمعبرة للشيخ الشاعر / فايز بن قعدان بن مجفل السبيعي رحمه الله وأسكنه فسيح جناته وإن شاء الله الشباب ما يقصرون ويوجدون بقية القصيدة وجعلها الله في ميزان حسناتك يوم لا ينفع مال ولا بنون إلا من أتى الله بقلب سليم والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .