[خيَّال الغلباء]

المشاركة الأصلية كتبت بواسطة محمد المجامعة

البارحـه يـوم الأوادم خواشـيـع = في نومها وأنا على الكـوع واعـي
هم (ن) يمزع سترة القلـب تمزيـع = تقول ينهش ثومـة القلـب أفاعـي
خذت القلم من بين روس الأصابيع = وحبيت أميز سيرتـي وانطباعـي
عزلت من صدقـان عطلة لاسابيـع = وعزلت من ضحك الوجيه الصناعي
وعزلت من بانين باّمالـي مشاريـع = جميد برد ولأنس الشمـس ماعـي
وعزلت من زرع الخلـي البلاقيـع = وعزلت من رفـع الثنيـه رباعـي
من نفعة اللـي ما طلبنـي منافيـع = جميلة (ن) في غيـر أهلها ضياعـي
فأسواقها ما عاد لا أشـري ولا أبيـع = لا أخطيت من رفقة طويـل الذراعـي
اللي على الرفقـه يسوقـه دوافيـع = هـذاك تشـرى رفقتـه ما تباعـي
إما يشجعني علـى الطيـب تشجيـع = وإلا يعلمنـي حمـيـد المسـاعـي
وإلا ليا منـه رمعـنـي روامـيـع = وضاقت عليّ كل الفجوج الوساعي
جيته ويسر لي عسيـر المواضيـع = وخلى خفايا خاطـري لـه وسـاعـي
معرفته ما هـي معرفـة طماميـع = ما تنتـج إلا الغطرسـه والضياعـي

صح لسان الشاعر الكبير / سعد بن جدلان وسلمت يمينك على النقل