اقتباس:
المشاركة الأصلية كتبت بواسطة عاشق الباديه
انا احب ممشاً في البراري حراو الصيد=مع الصبح تنعشني برايد هبايبها
لا لجت طيور العصافير بالتغريد=تبعد همومي جولتاً في شعايبها
هواها النقي اللي يودي العماس بعيد=يخلي وسيع المعرفه ما يغايبها
دوا الهم والاحزان والهاجس العنيد=مسيري في الارض اللي وساع مناكبها
فجوج الخلا فيها الأناسه وصيد وفيد=وبعداً عن اللي ضيقة الصدر يجلبها
وقلبي يحب البر والبر بالتأكيد=يهوّن على النفس الشقيه مصايبها
يشرّد هموم النفس واحزانها تشريد=ويشفي قلوبً قاسي الوقت متعبها
ومبدأ الجبل مع طلعة الشمس بالتحديد=عطاني من اسرار الطبيعه عجايبها
ليامن صفت الاجواء وجت لي على ما اريد=بدارً خلاويه وقفرً جوانبها
نسيت الهجوس اللي تشيّب رضيع الديد=تجي مع ملذات الحياه ومتاعبها
وسليت ونسيت ايام الاحزان والتعقيد=ولي عادة في البر هذي مكاسبها
وترا كل يومً يبتدي للنشاما عيد=مثل للرجال اللي قديمه تجاربها
|
عاااااااشق الباديه أسمحلي بأن أسميك بالاضافه
إلى هذا اللقب الساااابق عاشق الجزلات وراعيها
صح لسانك ولسان الشاعر الكبير عايض بن فرزان
وياليت تنشر له أكثر من قصيدة وتقبل تحياتي ,,,