[الحميدي السويدي]

المشاركة الأصلية كتبت بواسطة عاشق الباديه

الله من قلبٍ هجوسه تلوفه=لوف الهبايب غصن سدرٍٍ مشرف
في كل يوم وكل ليلاً تحوفه=حوف الذيابه للحلال المطرّف
عليه من دنيا الشقاوه كلوفه=كلوفة اللي مع طريقه مهرف
بين الهجوس وبين قاسي ظروفه=ولا يلومه كود خطوى المخرف
لين اجتمع همّه وحزنه وخوفه=في ساعةٍ يصعب عليه التصرف
من وقتنا اللي كاثراتٍ صدوفه=مشاكله منها الفواد امتجرف
وقتاً صدوفه من زمان معروفه=عند المجرب مايبيله معرف
دلوه تجيك من الحزون مغروفه=وباسبابها زرع الفواد امتغرف
دنيا الشقا لازم نكدها نشوفه=سجل من الاحداث واكتب وزرف
بو زيد عيّت لا تجمع شفوفه=شاف السرف عقب الترف والتترف
وذياب بن غانم نوى بالنكوفه=ومن اولاً زيزومها ويتشرف
والكاتب المعروف غابت حروفه=متمشكلاً بالمحترف والمحرف
وعزي لمن فرصة زمانه تطوفه=لامن صفت الاجواء بوقتاً مدرف

الله الله الله على الجزاااااله التي لاتستغرب على شاعر
كبير بحجم عايض بن فرزان صح لسانه ولسانك وأسجل
إعجابي ومتابعتي لهذا الشاعر الكبير .... أخوك أبو سعد