[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم قصيدة أحد الخريجين في حفل تخرج أبناء قبيلتي سبيع الغلباء والسهول من كلية الملك فهد الأمنية في يوم الخميس الموافق 18 / 6 / 1430 هـ الشاعر / فلاح رشيد مساعد القباني السهلي في قصيدته : ( حنا وهم مثل الدماء في الشرايين ) والتي يقول فيها :-

ببدأ بذكر اللي خلقنا من الطين= الواحد المعبود علام الأسرار
اللي يبدل ساعة العسر باللين= واللي يسيرنا على كف الأقدار
ومن بعد ذكره مرحباً بالوفيين= أقولها مليون مره وتكرار
ترحيبةً باللي على الروح غالين=اللي لهم في القلب حشمه ومقدار
لبيتوا الدعوة وجيتوا متعنين=ما همكم بعد المسافة والأخطار
حضوركم فوق الرتب والنياشين= ودعم لكسب العلم والمجد والكار
حنا بذلنا الجهد من عدة سنين= واليوم نقطف من محاصيله أثمار
عهد علينا نكون في خدمة الدين= ونحمي تراب الدار من حقد الأشرار
حنا السهول اللي لنا في الميادين =فعل يشرفنا على مر الأعمار
تاريخنا معروف مبطي وذلحين= ودخيلنا يآمن ولا نزعل الجار
وسبيع موقفهم يكيد المعادين= عدوهم يرّدونه عدود الأمرار
كبار البخوت مرجحين الموازين= تزين في مدحتهم طروق الأشعار
حنا وهم مثل الدماء في الشرايين=ما نفترق لو صار في الوقت ما صار
الأصل ثابت ما يزيحه حسودين= عيال عم ما بها شك وإنكار
وفي دفتر الأمجاد حنا العناوين= من غير قاصر في طويلين الأشبار
وكل القبايل في نظرنا سلاطين= ومن يجحد فعول المناعير غدار
وختامها صلوا معي يالميامين= على نبيً دعوته سر وجهار

منقول مع خالص التحية وأطيب الأمنيات وأنتم سالمون وغانمون والسلام .