[كليب]

بسم الله الرحمن الرحيم

يا راكب (ن) حمرا من الهجن ميلاف = معاد يوم (ن) بالعصا شاوروا لــه
لا روحت في راكبه توجف اوجاف= يركب وقلبه راكد مع ذلولــــــــه
منقية من هجن زينات الأوصاف= ومدربه للركب هذا ميولــــــه
لا مشطت خب الخلا تهرف اهراف= عليه خروج وبالرسن عذروا لـه
من عصر نوح الإبل كاملة الأوصاف= واللي خالقهن واحد ننحني لـه
والإبل عطايا الله عريبات واخفــــــاف= سفينة الصحراء صبور وأصيلــــه
هذا تراث اجدودنا ماض (ن) طاف= واليوم أشوف اربوعنا عودوا له
اربوعنا الغلباء هل البن والكيــــــــف= أهل الكرم ودلالهم فاح هيلــــــــه
رجالهم يفرح إلى مره الضيـــــــــــــف= والجار لا ضاقت عليه افزعوا لـــــه
والله ما قلت كلام (ن) به الزيـــــــــــف= أشوف ربعي واخوتي والقبيلـــــــه
ونعم القبايل كله تكرم الضيــــــــــف= وطبع يتغير من قبيله لقبيلـــــــــــــه
وصلاة ربي عد ما ذعذع الهيـــــــف= وعداد ما ناح الحمام بهديلـــــــــــــه
على محمد كامل (ن) بالتواصيـــــــــف= مشى أمته على أخلاق (ن) فضيلــــه

منقول وتقبلوا تحيتي .