[خيَّال الغلباء]

المشاركة الأصلية كتبت بواسطة مبارك مقين

ترى الشعر يا أهل الشعر قدله عليه اخلاف =أشوف المؤشر نازل (ن) للمحاديري
ركابه من ظروف الزمان الشديد اعجاف = يودونها حيل (ن) وترجع معاشيري
وش اللي تبا تنقله الأسلاف للأسلاف = إلا يالدانه يالدانه على مسيري
مدامه على هالحال في ذمتي ينعاف = بقدم لشخصه لا دعاني معاذيري
يبيعون فيه ويشترون أمحق الأصناف = ناس (ن) تدمر الموروث لاجل الدنانيري
شعـار الأدب والذوق والنقد والعراف = عافوا منه من صابه زكام الخنازيري

أخي الكريم الفاضل الشاعر القدير / مبارك بن مقين السبيعي السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة النقدية اللاذعة والرائعة المعبرة الجميلة عن الساحة والموروث الشعبي ولك لغة شعرية عذبة لا تشبه أحدا إلا أن عليها بصمة خاصة للشاعر القدير / مبارك بن مقين السبيعي وقد قال الشاعر الكثيري رحمه الله :-

كل يوم ظاهر شاعر جديد
= اختلط ماء سيلها والأبطحي

من يسوم الشعر مني من يزيد
= ما يجيب الشعر قيمة مشلحي

الممثل صار كاتب للقصيد
= وأصبح الشاعر ممثل مسرحي

والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .