[خيَّال الغلباء]

بسم الله الرحمن الرحييم

يا أصحابنا بعض الأوادم نشوفه
= مغرور في نفسه ولا أدري على ويش

من نعمة الله كابرت (ن) ادفوف
= أناسته لا قربوا وجبه العيش

امن الصخا ماهيب تندا كفوفه
= ولا هوب كفو (ن) للرجال المداغيش

ويحسب على فرقاه نطري حسوفه
= لا والله إلا قلعتك يا أبرق الريش

الطيب يبقى والرجال امعروفه
= ومن لا كسب كلمة نعم مكسبه ويش

وراع المراجل خابره ما تطوفه
= يبقي علم ما يلتفت للدراويش

إما رقيت العز طوفه وطوفه
= أصبحت طعم (ن) في حلوق الخفافيش

الذيب يقنب والضواري تحوفه
= واعلاجها ضرب أمهات النواتيش

حتي تجي عوج الرقاب امعسوفه
= وتروى اكبود (ن) من سنين (ن) معاطيش

الكفو ذاك الحين تارد اسيوفه
= واللاش نقفلها معه قفلت الشيش

أخي الكريم الفاضل الشاعر / مثيب الصندلي السلام عليكم ورحمة الله وبركاته وبعد : شكرا جزيلا لك على هذه الرائعة المعبرة وصح لسانك وسلم نبضك وبنانك وإعتلا شانك والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق شكري وامتناني مقرونا بجزيل محبتي واحترامي والله يحفظكم ويرعاكم مع خالص التحية وأطيب الأمنيات واسلم وسلم والسلام .