[خيَّال الغلباء]

المشاركة الأصلية كتبت بواسطة ناصر المحمدي

يا مرحـبا مليـار يتبع مــلايين=بك يا زعيم الشعر في كل حاله
يا شاعرن شعرك مسيس له سنين=كم واحدن عنه اقصرتبه حباله
ناصر زعيم الشعر سابق وذلحين=ناصر يقال ونعم لا جاء مجاله
شاعر وطن معروف شاعر ثقلين=فرعون شعر وكل صعبن رقاله
شاعر معاني لانتهض فالميادين=كلن وقفله ثم حذفله عقاله
شاعر مضر ما يلتفت للمقفين=عساء افداه اهل الحيل والنذاله
شاعر وله جمهور يسوى ملايين=وكسبه قلوب الناس هو راس ماله
شعره على الوزن الثقيل اتقنه زين=يا جعل حظه زين والخير فاله
شعره عمى لعيون كل المعادين=اعمى عدوه والحسود ارتكاله
هو شاعر الالماس وابن الشياهين=سماه شعره مشتراه بحلاله
هو شاعر المليار عندي براهين=ولا خير في قولن بليا دلاله
سموه ناسن فاهمين القوانين=ما عندهم ظلمن وغش وحياله
ناسن على قول الصحيح متواصين=ناسن لهم في صفحة المجد قاله
من مدرسة شعره قرينا دواوين=وديوان شعره يفتخر بالجزاله
على العداء اكبر من قضية فلسطين=وللاصدقاء ضلعن يضل ضلاله
لا هنت يمرجح كفوف الموازين=يا شاعرن عدلن تحب العداله
لا هنت يا ناصر صعوط المجانين=لا هنت يا راع الوفاء والجماله
دندن يا أبو فارس فدوك الخبالين=وراع الهروج العوج مالك وماله
مالك ومال علوم وهروج فاضين=ومنهو يضيع في يمينه شماله
اطلع سنود وكلنا مستعدين=والطيب حنا اهله وحنا رجاله
واختامها يهل الوفاء يالوفين=يا أهل الكرم والطيب وأهل الشكاله
ناصر زعيم الشعر فالعسر واللين=كم شخص قاله قبل وخوك قاله
وصلاة ربي عد جمع المصلين=على النبي الي مشى بالرساله

ناصر المحمدي جزاك الله خيراً ولا هنت