بسم الله الرحمن الرحيم
مرثيات في الشيخ / حجاب بن جويعد رحمه الله وأسكنه فسيح جناته :-
إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : نشر أحد الإخوة هذه المرثيات في الشيخ / حجاب بن علوش بن جويعد رحمه الله وأسكنه فسيح جناته وهذه أحداها للشاعر / محمد بن عبدالله بن حزام الجبري السبيعي ويقول فيها :-
إن مـا رثـيـت حـجـاب ما ني بمـرتـاح= مـما بـقلـبـي والـرثـاء ما يعيده
مرحوم يا شيخ (ن) رحل للولي راح = قبل رمضان ولا بلغ يوم عيده
فجر الخميس الحزن خيم على رماح= بنى خيامه عقب موت الفقيده
علم (ن) فجعنا جالنا صياح ونياح = حجاب راح وجعل روحه شهيده
عسى مزون الوسم في كل مرواح = تسقي ثرى قبر (ن) دفن به وليده
ليت العمر يشرى وتـفـداه الأرواح = الموت حق والآدمي ويش بيده
وكذلك بعض أبيات من قصيدة الشاعر / فيحان بن مطلق بن شطيط لم تكتمل لدي اّمل ممن يعرف الشاعر إفادتنا بتكملة القصيدة التي يقول منها :-
مـنـت الـوحـيـد الـذي تـبـكـيـه يا نايف = سـبـيـع تـبـكـيـه والأجناب يبكونه
واللي سمع بالخبر لو من ورى الطايف = يضيق صدره ودمعه يغرق عيونه
هـذا الـذي فـي مـحـلـه يامـن الـخايـف = كـم ٍ دخـيـل ٍ أبو نايف وقـف دونـه
وهـذا الـذي باب بيته ما هـو مـسـايـف = مـفتوح بيت الكرامه لـلي يـجـونـه
وهذه القصيدة للشاعر / فراج بن محمد الطنباوي ويقول فيها :-
مـريت يـا نايف عـلـى بـيـتـكـم يـوم= ووقفت مشدوه ٍ وخارت عظامي
وقـمـت أتذكر ما مضى لي من علوم = ورجع بي التفكير عشرين عامي
وقـفـت قـدمه شـارد الذهن مـنـجـوم = وأقول أنـا فـي علم وإلا حـلامـي
كـنـي بـحلـم ٍ قـمـت عـقبه من النوم= وشفت الحقيقه قدم عيني وأمامي
مـن عـقـب ما هو بالرياجيل مزحوم = الـيـوم مـا بـه مـن يـرد العـلامــي
وبـكـيـت لـيـن الـدمـع سوى له ثلوم = مـن مـقـلتـي يشدي لسيل الغمامي
مـرحـوم ياللـي ساكنه قبل مـرحوم = عـسـاه في جـنـات بـرد وسـلامـي
يـا عـل قـبـره ريـح ورد ٍ ويـشـموم = مـد الـبصـر من فـضـل رب الأنامي
راعـي مـحـل ٍ فـاتـحـه دايـم الـدوم = فـيه الشـحـم والـبـن والهيل حامي
أول نـبـاهـم ٍ دلـة ٍ تـبـعـد الـسـوم= عقبه على حيل ٍ شـحمـهن ردامـي
مـن جاه عز الله مـا هـو بمـهـمـوم= يــلقـى الحبابه مـع جـمـيـل الكلامـي
وله في طريق المرجله حق وقسوم= وبين الرجال اسـمه يفوق الأسـامي
يـالـلـه يـا مـنجـي نـبـيـه من القوم = يـا فـارض ٍ حـج وصـلاه وصـيـامـي
تـغـفـر ذنـوبـه يـا رجـا كل مـظـلـوم = وبـرحـمـتـك تـنـجـيـه يـوم الزحامي
حـقـه عـلـيه والـصداقـه لها سلـوم= واللـي فـجـع فـي صاحـبـه ما يلامي
والله يا أبـو نايـف لـو العمر بالـسـوم = كـان اشــتــرنـه لابـسـات الـلـثـامـي
بـنـاتك اللي ما شـكـن مـنـك لـو يـوم= الـلـي عـلـيـك عـيـونهـن مـا تـنـامـي
الـلـه يـصـبـرهـن على كـل مقسوم= ويـحـفـظ لهن نايـف يـسـد الـمقامي
وصـلاة ربـي عـد ما غـابـت نـجـوم = عـلـى النبي أزكـى صـلاه وسـلامي
هذا والله يحفظكم ويرعاكم منقول بتصرف يسير مع خالص التحية وأطيب الأمنيات وأنتم سالمون وغانمون والسلام .