سلام يالغلبا عدد مابدى النور
وعداد ماهل المطر من مزونه
سلام من رجل ورى الباب مقهور
لمن كل نام تسهر عيونه
اندب اسبيع اللي لها العز منشور
ندبة سجين سكر الباب دونه
تكفون يالغلبا لكم فالوفا دور
قسم لكم كل البشر يخبرونه
رجالهم دايم على الطيب مامور
فضل من الله دايم يكسبونه
الكل منهم ينكر الظلم والجور
مايقبلون الناقصه والمهونه
طلعاتهم فوق الكواكب من عصور
من قبل ابازيد الهلالي ودونه
وقت الشجاعه ينكسر كل طابور
كم من خصيم بالسهل يجدعونه
عدوهم كبده بها مر و حرور
يمسي و يصبح زايداتن اغبونه
صويبهم ماعالجه كل دكتور
يبقى عليه الذيب يرفع لحونه
مركاظهم يشبع به سباع وطيور
تاخذ ليالي ربعت في غصونه
هذي اسود فالقى مالها سور
اللي تنوش يدينهم ياكلونه
خيالهم فالمعركه دوم مسطور
القلب ساطي والمواقف تشونه
قصيرهم معهم على عز وسرور
من طيبهم في مالهم يخشرونه
يامن على بيته من العمي والعور
يشهد بها اللي للمخاليق عونه
خويهم مايشتكي منهم اقصور
بالعود الازرق والشحم يكرمونه
الضيف لاجاهم له المال منثور
كم من قعود لضيفهم يذبحونه
دخيلهم مايقربه كل ممرور
يرجع شفاته قطعتها سنونه
انكان مد يديه فالقبر محفور
اللي دخل بوجيهم يحتمونه
من وقتنا الاول إلى نفخة الصور
لوكان وصلو لسماء مايجونه
حنا هل الطلات والفعل مشهور
كم واحد خصمن لهم يعتقونه
عتق لوجه الله والعلم مخبور
شي موكد والملا يشهدونه
مثل فهد عله من الباس ماجور
سبقبها قبل العرب يسبقونه
الشرط الاول قال ياجار معذور
والشرط الاخر بيتهم يسكنونه
هذي شروطه عله بجنة الحور
في ساعة كل البشر يطلبونه
يالله عساه بشرحت الصدز مسرور
لعل ربعه لا لفو ياجدونه
وغيره ولد سحمي به الطيب مذكور
محمد اللي بالوفا يشكرونه
عفى لوجه الله ماهو بمجبور
رجواه فلي كلهم يرتجونه
ويانعم ياشارع من العز مغمور
انته وربعك فعلهم ينشرونه
ثم بعدها من قلب و لسان وشعور
هذا كلامي بالسمع تسمعونه
اختامها العمبر مع العود وزهور
زهور ورد دوبهم يقطفونه
وصلاة ربي عد مايبدي النور
على محمد عد منشه امزونه