[lion1430]

المشاركة الأصلية كتبت بواسطة خيَّال الغلباء

بسم الله الرحمن الرحيم

يا شهر عاشور يا غرة العام الجميل=ليه جيت ورحت عنا وبدرك ما كمل
العتب ممن على من وأسند لي دليل=كان عندك للعدل مثلنا مجلس عدل
ضاع في الطوشه حكيم البصيره والهبيل=ولا عرفنا وش يفضل ذهب ولا هلل
نتجود بالجزاله ولا نرضى الهزيل=عند ناس (ن) جزلنا في مباديهم هزل
خمسة(ن) مثل الدمى ما تحط ولا تشيل=غير طرح أفكارهم ما لهم وصل وفصل
لا تعدل ميل هذاك لا هذا يميل=مثل أذاني ذاك متخالفه ما تعتدل
فوق سطح الأرض يا دوبنا نلحظ سهيل=كيف يبغونا نوصف ثرى كوكب زحل
إلعبت في عرشهم ربت الطرف الكحيل=لين مالت عن يموم القدى عين الحول
روّسوهم وأصبحوا فالمداج سروج خيل=من بعضهم في بعضهم مثل راع العمل
ارتضوا بيع الذمم والضماير بالقليل=هل لهم علم (ن) بيوم (ن) به القاصر كهل
شمت عن مسرح موازين كيل (ن) ما تكيل=يوم قام يقيم الشعر زراع البصل
أصفهاني (ن) من إيران فالديره دخيل=فرّق قلوب العرب تحت راية من غفل
رحت عقب أنجحت بالميسم القلب العليل=عن طمان الأرض لي في علا العليا محل
تارك (ن) عيشة عزيز (ن) من الداخل ذليل=لو تظاهر بالنجاح يتمرغ فالفشل
ولا يمني نفسه بطرد شيء (ن) مستحيل=غير من سمي وهو من بني اّدم بغل
ولا يخلي حقه إليا تلاقى بالقبيل=غير همّاز (ن) عتل (ن) زنيم بلا أصل
يقطعك سيف (ن) إليا من شهر ما هو صقيل=ويقطعك نجم (ن) إليا طاح ما يهدم جبل
ما نسيتك يا { تداعي } علي الله وكيل=لو في { ما نعرف الغيب } جاء حقك دبل
فسّروك وفسروا غيرك أبنا ضيوف ليل=عند من يقضي وراع القضيه ما وصل
أحسب الأخشيد ما باقي (ن) منهم سليل=وأثر باقي من عظاريط حاكمهم نسل
يا محرفة المعاني مخاونت العميل=الحقايق بينت في ضمايركم شلل
لا متى وإنا نخيل سحاب (ن) ما يسيل=كان ما أمطر بالرضى والله إن يمطر زعل
ما ورثنا مجد الأجداد جيل بعد جيل =غير بنفوس (ن) على العز ما ترضى الزلل
رافعين الروس والفضل للرب الجليل=رفعةالحكام لو كان ما نملك دول
من نوانا بالجفى لو ولد عم خليل =ما نلد له النظر لو لحقنا أمر (ن) جلل
كيف نطلب في الرخا مدة الكف البخيل =ولا طلبنا مد الأكرام في أيام الجهل
علم اللي يوقد النار في راس الفتيل=من يسره حاضره ما قعد يبكي طلل
عش عزيز النفس لو كان ما تاجد حصيل=الغنى في النفس يسوا الدراهم والفلل

الشيخ / مدحت جزاك الله خيراً ولا هنت

الشيخ مدحت مشكور وما قصرت ولا هنت