[خيَّال الغلباء]

المشاركة الأصلية كتبت بواسطة جعد الوبر

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم قصيدة الشاعر الفارس / فراج بن ريفة القرقاح العبيدي القحطاني رحمه الله وأسكنه فسيح جناته المشهورة بالحمراء وقد قالها عندما زبن الأمراء من اّل رشيد في قصر برزان بمدينة حائل ووجهها إلى شيخ قبيلة عبيدة ابن شفلوت رحمه الله وأسكنه فسيح جناته ويقول فيها :-

قال ابن ريفه بدا في المرقب العالي= وأعلا المراقيب تومي به هبايبها
يا مرقبي جاك من الأسبار همالي= انصوب مزن من المنشا يهل ابها
ما يدهله كود صافي الريش ولوالي= وإلا الولع يوم يفتك في عجايبها
أنا ولد طارفه ما نيب كسالي= أخاف من خبرة باحت مزاهبها
عليك يا مرقب جيته وأنا سالي= هيض على القلب ديار (نٍ) شطيت ابها
هيض عليه شدوق ( الثفن ) لا سالي= عطفة ( طريب ) إليا زافت عجايبها
لا من غدا الفيض كنه زرع عمالي= سيله من القدم للبطنان ناهبها
كم مرة قد نزلنا عشبه المالي= بيوتنا لا وزا المجرم يلوذ ابها
تنزله ببيوت عراف وجهالي= وإن جاء النذر من خفيف ما نزهبها
ربعي ( عبيدة ) إليا جاء هوش وقتالي= هل هية في الضحى تشعا كسايبها
انشد ( عبيده ) هل الطولات عن حالي= وانشد لاجانيب يوم إنا نقاربها
من هو يقلط على فرش وفنجالي= سعد ابن عمه إليا جاته مكاربها ؟!
لا من غدا بين نقاض وفتّال = وصفت لاجانيب واّذته بطلايبها ؟!
ثم جيتها ثم لفحت ابهم على الجالي= لفح الدلي للمعدي يوم يجذبها
يا راكب ميمونة في مشيها ارمالي= ما يشتحن من هل العيرات راكبها
تزهى السفايف وتزهى الخرج وحبالي= ومجرب لا سرى في الليل صالبها
دنوا ذلولي تراني ضايـق بالـي= ذلولي اللي مديد العصر يطربهـا
أبا اتنحـر عليهـا واحـد غالـي= لولاه ما جيت من برزان راكبهـا
ملفاك من يلبسون الجوخ والشالي= ربعي ودرعي وضد اللي يحاربها
ملفاك شيخ القبيلة حامي التالي= عند ( ابن شفلوت ) يالمنجوب قربها
قل له علي طالت المدة وأنا ( جالي )= عشر ( اسنوات ) مضت بحساب مقطبها
فإن كان ربعي نسوني ما نبي غالي= بأعيش في ديرة قفرا جوانبها !!
في ايدي قرار تكف الجمع لا هالي= طويلة ناحل مقضب خشايبها
لي بندق ما صنعها الصانع التالي= من دقة ( المارت ) نحال مقاضبها
شريتها بالثمن يوم أرخص المالي= إميه وعشرين ما يمهل بغايبها
الله يرحمك يا عود شراها لي= من واحد جابها للسوق جالبها
حديدها وأذكر الله كنه ريالي= كن الحيايا تطوا في مقاضبها
أقف بها بين ربعي وأمنع التالي= لا خف ولد الردي ما احتال يزهبها
أعط الطويلة عريب الجد والخالي= ولد الردي لا تخونه يزول بها !!
واللي رفيع وللشوفات حمالي= ارفع نواصيه يا ربي وقطبها
وأنا من الخبرة اللي شورهم عالي= وأهل سلوك الردى يا رب تذهبها
بنت غراها زباد في ايد دلالي= وإلا طموح هواها من يلاعبها
كم مرة قد ضربنا منجم خالي= وكم جملة فرقتها من ربايبها
وإليا لفونا من المقناص زعالي= أحد مدح بندقة وأحد يعذربها
بشرتهم بالعشاء من عقب مقيالي= القايدة مع مرد الكوع ضاربها
أضرب بها الوعل لا جاء له تهنفالي= أبو حنية كبير الراس شايبها
ذبحت عشرة بها والظل ما مالي= والحاديه روحت تثلغ مضاربها
ويالله أنا طالبك حمرا هوى بالي= لا روح الجيش طفاح جنايبها
لا روح الجيش حاديه أشهب اللالي= لا هي تورد وسيع صدر راكبها
اللي على كورها واللي بالاحبالي= واللي على عيزها واللي بغاربها
لا روحت مع سباريت الخلا الخالي= كن الذيابه تنهش من ترايبها !!
تمت وصلوا عدد ما هل همالي= على نبي شروع الحق رتبها
اغفر ذنوب الفتى يالله يا والي= لا جيت في حفرة رزوا نصايبها

منقول وأنتم سالمون وغانمون والسلام .

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : يبدو أن قصيدت القرقاح رحمه الله وأسكنه فسيح جناته قد تداخلت الكثير من أبياتها مع قصيدة الشيخ / فالح بن مسعر بن ركاض اّل حميد العامري السبيعي رحمه الله وأسكنه فسيح جناته فعلى من يستطيع الفصل بينهما من إخواننا الباحثين التصدي لتلك المهمة الشاقة سألين له العون والتسديد من الله تعالى ومن قصيدة الشيخ / فالح بن ركاض اّل حميد العامري رحمه الله وأسكنه فسيح جناته قوله :-

قم يا نديبي ترحل فوق مرمالي =من فوق منجوبة شيب محاقبها
ما فوقها إلا العقيلي يا بعد حالي = وشدّيد يوم ينسف هبل غاربها
لا روحت لا مذارعها تهوبالي= لكن يديها تمزع من ترايبها
فيها من الربد مهذال وزرفالي = منكوسة الزور ما يلحق شواذبها
أطمر عليها إليا من ثرب التالي = لعيون حمراء تباريها جنايبها
ياما خسرنا العدا من كل مشوالي = وكم سابق باللقا طاحت براكبها
مع لابة فعلها ماضي له أفعالي = سبعان عدوانها تشكي مضاربها
ولي بندق رميها يغدي غثا بالي = ومخضب عقبها من كف صاحبها
شريتها بالذهب لو سعرها غالي = بماية وعشرين مايفهق بغايبها
مطرق فرنجي رباعي مالها أشكالي = يكودني طولها لا جيت أزهبها
يا بندق ...... ياللي مالها أمثالي = اللي ليا جت ليال الصيف أعج ابها
كم فرحت بالخلا من صدر زمالي = وكم سرحة دورت منها ربايبها
يا زين طردي بها غزلان الأسهالي = والتيس دمه يثوع من مضاربها
كم عود ريم يجي مشيه تهنفالي = كن الحنايا على راسه يقلبها

منقول مع خالص التحية وأطيب الأمنيات وأنتم سالمون وغانمون والسلام .