[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم قصيدة شاعر قبيلة سبيع الغلباء الكبير / دبيان بن عساف رحمه الله وأسكنه فسيح جناته في شيخ مليح الشيخ / زيد بن ناصر المليحي وفقه الله وحفظه ويستاهل أبو حسين ويقول فيها :-

هات القلم واكتب سلام بتلبيب =وثنه لزيد نحاز غيض البغاضي
سلام (ن) أحلى من حليب الحنازيب= لا بركن حيرانهن بالفياضي
كضوم غيض وينقل الحمل لا هيب =كنه من السبعه شيوخ الرياضي
عز الله إنه من فروع المعازيب =وجه (ن) وجاه وهقوة بانتهاضي
كنه هديب الشام شيّال ما جيب= إليا من نقل حملة تنهض وناضي
يوصف على وادي حنيفه بتجريب= لا جاه رعاد بروقه مواضي
وادي حنيفه كان كض المحانيب =يودع سدود أهل القرايا قضاضي
وادي حنيفه كان كض المحانيب =معايله تزي عطاش الأراضي
وادي حنيفه كان كض المحانيب= فالتوضحيه من وراء الخرج فاضي
يوصف به أبو حسين غصب (ن) بلا طيب =لو يزعل اللي تجرته له مقاضي
بمروته واسى فعايل تريحيب= اللي لوردات السبايا يحاضي
ابن شري خيال حرش العراقيب= مات الشجاع وورخ الفعل ماضي
أبو حسين بعيد شك (ن) من العيب= يكرم من السوداء غشاة البياضي
هيف الغنم خطر على شمخ النيب =بيت الصخى قلبه من البخل فاضي
عساه يبقى ما بقى نوح وشعيب= وإنا نبي نرضي عسى الرب راضي
من طال عمره يرضي الله مع الطيب= أفلح فلاح وتالي العمر قاضي
ما ينذبح في الدم دم الأصاحيب =أو دم بدمه لا حشى ما يقاضي

منقول مع خالص التحية وأطيب الأمنيات وأنتم سالمون وغانمون والسلام .